اقتٶبەدە تۇرعىندار يەگوۆا كۋەگەرلەرٸ شٸركەۋٸنٸڭ الدىندا نارازىلىق شاراسىن ٶتكٸزدٸ. ولار دٸني ۇيىمنىڭ جابىلۋىن تالاپ ەتٸپ وتىر, دەپ حابارلايدى كتك ارناسى.
نارازى توپتىڭ ايتۋىنشا, يەگوۆا كۋەگەرلەرٸنٸڭ كەسٸرٸنەن بٸرشاما ادام زارداپ شەككەن. جينالعاندار اراسىندا باسپاناسىنان ايرىلعاندار دا بار كٶرٸنەدٸ. ەيتسە دە, دٸني بٸرلەستٸك باسشىلارى ولاردىڭ قارسىلىعىنا قاتىستى ٷن قاتپادى.
اقتٶبە شەتٸندەگٸ بۇل شٸركەۋدە يەگوۆا كۋەگەرلەرٸنٸڭ قۇلشىلىق ەتٸپ كەلە جاتقانىنا جيىرما جىلدان اسقان. مۇندا جينالعان دٸن ٶكٸلدەرٸ بۇل جولى مٸنەجات ەتۋدٸڭ ورنىنا, قاقپا الدىنا قاراعىشتاۋمەن بولدى. سەبەبٸ, نارازىلىق شاراسىنا جينالعاندار دٸني ۇيىمنىڭ جابىلۋىن تالاپ ەتۋدە.
ۇرانداتىپ شىققانداردىڭ سٶزٸنشە, بارلىعى دەرلٸك وسى يەگوۆا كۋەگەرلەرٸنە الدانىپ قالعان كٶرٸنەدٸ. بٸرٸ وتباسىمەن ارالاسپاي كەتكەنٸن وسى دٸن ٶكٸلدەرٸنەن كٶرسە, ەندٸ بٸرٸ سولاردىڭ كەسٸرٸنەن دالادا قالعانىن ايتادى.
"ەجەم يەگوۆا كۋەگەرلەرٸنە ٷيٸمٸزدٸ تارتۋ ەتتٸ. قۇجاتتى رەسٸمدەپ بەرگەننەن بٸر اپتا ٶتٸسٸمەن قايتىس بولدى. ولاردىڭ ەجەمنٸڭ باسىن اينالدىرىپ, پسيحولوگييالىق قىسىم كٶرسەتٸپ, الاياقتىق جولمەن باسپانامىزدى العانىنا سەنٸمدٸمٸن. قازٸر مەن ەكٸ بالاممەن سولاردىڭ كەسٸرٸنەن دالادا قاڭعىپ قالدىم", - دەيدٸ اقتٶبە قالاسىنىڭ تۇرعىنى يۋليا ياروسلاۆتسەۆا.
امانجول ەسٸمدٸ تاعى بٸر تۇرعىن: "بالالارىنا قارسى شىعادى كٶبٸنەسە. وتباسىنا قارسى شىعادى. ەگەر دٸنگە كٸرمەسە, سولار ادام قۇرلى كٶرمەيدٸ", - دەيدٸ.
ال دٸني بٸرلەستٸك باسشىلارى مۇنىڭ بەرٸ جالا دەپ وتىر. بٸراق ولاردىڭ اشىق مەلٸمدەمە جاساعىسى جوق. ەلٸمٸزدە يەگوۆا كۋەگەرلەرٸنٸڭ العاشقى قاۋىمى وسىدان 27 جىل بۇرىن رەسمي تٸركەلگەن. ٶڭٸرلەردە ونىڭ الپىسقا جۋىق بٸرلەستٸگٸ بار. قازاقستانمەن كٶرشٸلەس مەملەكەتتەردٸڭ بارلىعى دەرلٸك بۇل ۇيىمعا تىيىم سالعان. رەسەيدٸڭ ٶزٸ ەكٸ جىل بۇرىن ولاردى ەكسترەميستٸك ۇيىم دەپ تانىدى.
