اقتٶبەلٸك تاسىمالداۋشىلار 55 تەڭگەلٸك جولاقىنى بٸردەن 200-212 تەڭگەگە كٶتەرۋدٸ سۇراپ وتىر. العاشقى قوعامدىق تىڭداۋعا ساۋساقپەن سانارلىقتاي تۇرعىن جينالدى, دەپ حابارلايدى قازاقپارات تٸلشٸسٸ.
اقتٶبە قالاسىنداعى «اۆتوپارك» جشس-ٸ مەن مەملەكەت قارجىلاندىرىپ وتىرعان قالالىق جولاۋشىلار تاسىمالى كەسٸپورنى جاڭا اۆتوبۋستار ساتىپ الىپ, كەيٸن جولاقىنى كٶتەرۋدٸ سۇرادى. العاشقى قوعامدىق تىڭداۋ «گەولوگ» مەدەنيەت ٷيٸندە ٶتتٸ. جيىنعا 10-عا جۋىق تۇرعىن كەلٸپ, ٶزدەرٸنٸڭ قارسىلىقتارىن بٸلدٸردٸ. ال تاسىمالداۋشىلار باعانى كٶتەرۋدٸڭ سەبەبٸن تٷسٸندٸردٸ.
«اۆتوپارك» جشس-ٸ» 212 تەڭگەگە, قالالىق جولاۋشىلار تاسىمالى كەسٸپورنى 200 تەڭگەگە جولاقىنى كٶتەرۋدٸ سۇرادى. اقتٶبە قالاسىندا جولاقى 2015 جىلدان بەرٸ 55 تەڭگە بولىپ ساقتالىپ وتىر»,- دەدٸ اقتٶبە قالالىق جولاۋشىلار كٶلٸگٸ جەنە اۆتوموبيل جولدارى بٶلٸمٸ باسشىسىنىڭ ورىنباسارى باۋىرجان الديياروۆ.
قازٸرگٸ كەزدە قالالىق جولاۋشىلار تاسىمالى كەسٸپورنىندا 129 اۆتوبۋس بار. 2010-2017 جىلدارى شىعارىلعان اۆتوبۋستاردى اينالىمعا ەنگٸزگەن كەسٸپورىننىڭ قارىزى 360 ميلليون تەڭگەگە جەتكەن.
«كەسٸپورىندا 300-دەن استام ادام جۇمىس ٸستەيدٸ. ونىڭ 190-ى جٷرگٸزۋشٸ. كومپانييادا جٷرگٸزۋشٸلەرگە سۇرانىس بار. جالاقى از بولعان سوڭ كٶبٸ كەتٸپ قالادى. جاڭا اۆتوبۋستار الىنعان, اي سايىن ليزينگكە 16 ميلليون تەڭگەدەن استام اقشا تٶلەۋ قاجەت. سۇيىتىلعان گاز, ديزەل باعاسى ٶسٸپ تۇر. سوندىقتان شىعىن ەسەلەنٸپ تۇر»,- دەدٸ قالالىق جولاۋشىلار تاسىمالى كەسٸپورنىنىڭ ديرەكتورى رٷستەم ەرعاليەۆ. ال «اۆتوپارك» جسش-ٸ 34 باعىت بويىنشا قىزمەت كٶرسەتٸپ وتىر.
«اپتا سايىن, اي سايىن قوسالقى بٶلشەكتەر قىمباتتاپ جاتىر. جانار-جاعارماي شارىقتاپ بارادى. بٸز جولاقىنى 212 تەڭگەگە كٶتەرۋدٸ سۇراپ وتىرمىز. سوڭعى ەكٸ جىلدا 85 اۆتوبۋس الىنىپ, 1,7 ميلليارد تەڭگە جۇمسالدى»,- دەدٸ كومپانييا ديرەكتورى اقارىستٸلەۋلەس. ال قوعامدىق تىڭداۋعا كەلگەن تۇرعىندار بٸردەن قارسىلىقتارىن بٸلدٸردٸ.
«زەينەتكەرلەر, ستۋدەنتتەر مەن بالالارعا جەڭٸلدٸك بولعانى دۇرىس. بٸز نەگٸزٸ جولاقىنىڭ قىمباتتاۋىنا قارسىمىز. سەبەبٸ, بٸزدٸڭ اۋىلعا كەلەتٸن №29 باعىتتاعى اۆتوبۋستىڭ حەلٸ مٷشكٸل. ورىندىقتارى جىرتىلعان, جازدا ىستىق, قىستا سالقىن. ستۋدەنتتەردٸڭ قالاي جٷرەتٸنٸن بٸلمەيمٸن. ولار ەڭبەكاقى المايدى, جۇمىس ٸستەگەن ادام دا 200 تەڭگەنٸ تاۋىپ بەرۋگە قينالادى», - دەدٸ تۇرعىن سيدياكينا.
ايتا كەتەيٸك, قوعامدىق تىڭداۋ قالانىڭ بٸرنەشە اۋماعىندا ٶتەدٸ. دەپۋتاتتار مەن قوعامدىق ۇيىم ٶكٸلدەرٸنەن قۇرىلعان توپ تۇرعىنداردىڭ ارىزى مەن ٶتٸنٸشٸن تىڭدايدى.
