اقتٶبەدە 55 جاستاعى ەر ادامنان كوروناۆيرۋس ينفەكتسيياسى انىقتالدى. قازٸر ونىمەن بايلانىستا بولعان بارلىق ادام وقشاۋلاندى, دەپ حابارلايدى "ۇلت اقپارات".
اقتٶبە وبلىسىندا COVID-19 ينفەكتسيياسىن جۇقتىرعاندار سانى بارلىعى – 14. بٷگٸن 1965 جىلى تۋعان ەر ادامنىڭ كوروناۆيرۋس ينفەكتسيياسىن جۇقتىرعانى تٸركەلدٸ. ول وبلىستىق جۇقپالى اۋرۋلار ستاتسيونارىنىڭ بوكس-پالاتاسىنا جاتقىزىلدى. «ناۋقاستىڭ جاعدايى قاناعاتتانارلىق. حاتتاماعا سەيكەس بەكٸتٸلگەن تيٸستٸ ەمدٸك شارالار جاسالىپ جاتىر. دەرت وشاعىندا دەزينفەكتسييالىق شارالار جاسالدى, ناۋقاس تۇرعان ٷي پودەزٸ كارانتينگە جابىلدى. قازٸر جەرگٸلٸكتٸ پوليتسييا قىزمەتٸ كٷزەتٸپ تۇر. ول اداممەن قارىم-قاتىناستا بولعانداردىڭ بەرٸ انىقتالىپ, وقشاۋلاندى», - دەدٸ اقتٶبە وبلىستىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسپاسٶز قىزمەتٸ.
ال وبلىستىق دەنساۋلىق ساقتاۋ باسقارماسىنىڭ حابارلاۋىنشا, 15 سەۋٸر كٷنٸ ساعات 14:34-تە جەدەل جەردەمگە شاقىرۋ تٷسكەن. بريگادا ارنايى كيٸممەن ناۋقاستىڭ ٷيٸنە بارىپ, ونىڭ ٷش كٷننەن بەرٸ دەنە قىزۋى كٶتەرٸلٸپ, باسى اۋىرعانىن, ٶزٸن ەلسٸز سەزٸنگەنٸن بٸلدٸ. كەيٸن ودان بٸردەن اناليز الىنىپ, تەكسەرۋگە جٸبەردٸ.
«ناۋقاستىڭ ايتۋى بويىنشا شەتەلگە, اقتٶبە قالاسىنىڭ سىرتىنا شىقپاعان جەنە كوروناۆيرۋس جۇقتىرعان ادامدارمەن بۇرىن بايلانىستا بولماعان. 16 سەۋٸر كٷنٸ ساعات 5:00-دە دياگنوز زەرتحانالىق تٷردە راستالدى. ٸندەتكە شالدىققان ادام ديسپانسەرلٸك ەسەپتە تۇر. جٷرەك يشەميياسى, قانت ديابەتٸ, ارتەرييالىق گيپەرتەنزييامەن اۋىرادى», - دەپ حابارلايدى وبلىستىق دەنساۋلىق ساقتاۋ باسقارماسى.
