"يسلام مەملەكەتٸ" ەكسترەميستٸك ۇيىمىنىڭ باسپاسٶز حاتشىسى ەبۋ مۇحاممەد ەل-ادناني.
"يسلام مەملەكەتٸ" (يم) ەكستەرميستٸك ۇيىمىمەن بايلانىستى "اماك" اگەنتتٸگٸنٸڭ حابارلاۋىنشا, سيرييانىڭ سولتٷستٸگٸندە ۇيىمنىڭ باسپاسٶز حاتشىسى ەرٸ ۇيىم جەتەكشٸلەرٸنٸڭ بٸرٸ ەبۋ مۇحاممەد ەل-ادناني قازا تاپتى. ەسكەري ورتاداعى دەرەككٶزٸنە سٸلتەمە جاساعان اگەنتتٸك ادنانيدٸڭ "الەپپو ماڭىنداعى وپەراتسيياعا قولباسشىلىق جاساپ جٷرگەندە وققا ۇشقانىن" ايتادى.
اقش قورعانىس مينيسترلٸگٸندەگٸ اتى-جٶنٸن اتاماعان دەرەككٶزٸ الەپپو پروۆينتسيياسىنىڭ ەل-باب قالاسىندا ەۋەدەن دەلدەپ جاسالعان شابۋىلدان "يم جەتەكشٸلەرٸنٸڭ بٸرٸنٸڭ" كٶزٸ جويىلعانىن ايتتى. ول سودىردىڭ اتى-جٶنٸن ايتۋدان باس تارتىپ, ەسكەري وپەراتسييانىڭ نەتيجەلەرٸ سارالانىپ جاتقانىن جەتكٸزدٸ.
يم سوڭعى اپتالاردا ەسٸرەسە الەپپو پروۆينتسيياسىندا بٸرنەشە رەت جەڭٸلٸسكە ۇشىرادى. مۇندا تٷركييا ەسكەرٸ كٶتەرٸلٸسشٸلەرمەن بٸرٸگٸپ يم سودىرلارىنان جەرابلۋس قالاسىن قايتارىپ الدى. سيرييادان شىققان ادناني يم قۇرىلعاننان بەرٸ ونىڭ جوعارى شەندٸ مٷشەلەرٸنٸڭ بٸرٸ بولدى. اقش ول تۋرالى اقپارات بەرگەن ادامعا بەس ميلليون دوللار كٶلەمٸندە سىياقى تٸككەن.
قازاقستان سىرتقى ٸستەر مينيسترٸ ەرلان ىدىرىسوۆ بۇعان دەيٸن ماۋسىمنىڭ باسىندا اقتٶبەدە بولعان شابۋىلداردى جاساعاندار "ادنانيدەن تاپسىرما العانىن" مەلٸمدەگەن. «بٸزدٸڭ انىقتاعانىمىزداي, قاسيەتتٸ رامازان ايىنىڭ قارساڭىندا دايش (يم-نٸڭ باسقاشا اتالۋى - رەد.) دەپ تٸركەلگەن توپتىڭ ادناني دەگەن باسشىسى ٶزٸنٸڭ ارتىنان ەرگەندەرگە ينتەرنەت ارقىلى زورلىق-زومبىلىق جاساۋدى تاپسىرعان» دەگەن ەرلان ىدىرىسوۆ.
