"ەۆريكا" گازەتٸنٸڭ تٸلشٸلەرٸ بيىل جازدا اقتٶبەدە بولعان تەراكتٸنٸڭ ايىپتاۋ قورىتىندىسىن قولعا تٷسٸردٸ. پروتسەسس جابىق تەرتٸپتە ٶتەتٸن بولدى.
قىلمىستىق ٸستٸڭ ماتەريالدارىنا قاراعاندا, تەرگەۋ بويىنشا, اقتٶبەلٸك دميتريي تاڭاتاروۆ تەراكت ۇيىمداستىرعان نەگٸزگٸ ادام. ايىپتاۋ اكتٸسٸندە ونىڭ 2009 جىلدىڭ باسىندا يسلامدى قابىلداعانى, كەيٸن دٸني بٸلٸمٸن جەتٸلدٸرە باستاعانى, ينتەرنەتتە جارييالانعان دٸني مازمۇنداعى ماقالالاردى وقي باستاعانى ايتىلادى. پروكۋرورلاردىڭ پٸكٸرٸنشە, تاڭاتاروۆ اۋديو جەنە ۆيدەوجازبالاردى قاراعان, يسلامداعى راديكال كٶزقاراستاردى ٷگٸتتەيتٸن سايتتارعا كٸرگەن. سونداي-اق, ول Telegram جەلٸسٸندە "اپسون ناپوس" دەگەن لوگينمەن تٸركەلگەن دەلٸنەدٸ.
ينتەرنەتتە جارييالانعان ماتەريالداردى زەرتتەي كەلە, تاڭاتاروۆتىڭ دٸني راديكاليزمنٸڭ ەسەرٸنە تٷسكەنٸ ايتىلادى. "حالىقارالىق تەرروريستٸك ۇيىمداردىڭ باسشىلارى مەن جەتەكشٸلەرٸنٸڭ ۋلتراراديكال كٶزقاراستارىن قولداي وتىرىپ, ول "سالافي جيھادي" باعىتىنىڭ ۇستانۋشىسى بولعان, سودان ول "قارۋلى جيھادقا" قاتىسۋدى ۇيعارادى. تاڭاتاروۆ قىلمىستىق نيەتٸن "سالافي جيھادي" باعىتىن ۇستانۋشى تانىستارىمەن, دٸني راديكاليزم ۇستانۋشىسى ارمان ايتۋعانمەن بٶلٸسەدٸ, سٶيتٸپ ولار جيھادقا قاتىسۋ تۋرالى شەشٸم قابىلدايدى", - دەلٸنگەن گازەتتٸڭ ماتەريالىندا.
ارى قاراي, ايىپتاۋ قورىتىندىسىنا سەيكەس, تاڭاتاروۆ پەن ايتۋعان ەلەۋمەتتٸك جەنە باسقا دا جاعدايلارعا (پاسپورتتارىنىڭ جەنە جولعا قاراجاتىنىڭ جوق بولۋى) بايلانىستى سيريياداعى تەرروريستٸك توپتاردىڭ ەرەكەتٸنە قاتىسۋ تۋرالى ويلارىن جٷزەگە اسىرا الماعان.
"تاڭاتاروۆ پەن ايتۋعان قىلمىستىق نيەتٸن جٷزەگە اسىرۋ ماقساتىندا 2016 جىلدىڭ مامىرىندا ٶزدەرٸنٸڭ تەرروريستٸك توبىن قۇرعان دەپ ەسەپتەيدٸ تەرگەۋ. 2016 جىلدىڭ 22 مامىرىندا ولار, ايىپتاۋ قورىتىندىسىنا سەيكەس, ينتەرنەتتە "دابى ۆىجيل توت, كتو ۆىجيل پري پولنوي ياسنوستي" دەگەن اتاۋى بار "ەبۋ مۇحامماد ەل-ادناني" اۋديوجازباسىن تىڭداپ, تەراكت جاساۋ - دۇرىس شەشٸم دەگەن پٸكٸرگە كەلەدٸ. وسىدان كەيٸن تاڭاتاروۆ پەن ايتۋعان بۇل تۋرالى اسا قۇپييا جاعدايدا "سالافي جيھادي" باعىتىن ۇستاناتىن سۇلتان قابيەۆكە ايتادى. 18 جاستاعى قابيەۆ ولاردىڭ قىلمىستىق نيەتٸن قولداپ, 2016 جىلدىڭ ماۋسىمىندا بۇل تەرروريستٸك توپتىڭ قۇرامىنا كٸرەدٸ", - دەلٸنگەن ماقالادا.
تەرروريستٸك توپتىڭ مٷشەلەرٸن قارۋلاندىرۋ جەنە ارى قاراي تەرروريستٸك اكت جاساۋ ٷشٸن تاڭاتاروۆ, ايتۋعان جەنە قابيەۆ "پاللادا" قارۋ-جاراق دٷكەنٸنە جاسالاتىن شابۋىلدىڭ جوسپارىن قۇرادى. وسى ماقساتتا, ايىپتاۋ اكتٸسٸنە سەيكەس, 2016 جىلدىڭ مامىرىندا تاڭاتاروۆ "پاللادا" دٷكەنٸندە بولىپ, ونىڭ ٸشكٸ ورنالاسۋىن, ساتۋشىلاردىڭ قانشاۋ ەكەنٸن, قارۋ-جاراقتىڭ قايدا جەنە قالاي ساقتالاتىنىن انىقتايدى. كەيٸن تاڭاتاروۆ, ايتۋعان جەنە قابيەۆ وسى دٷكەنگە قاراقشىلىق شابۋىل جاساۋدىڭ جوسپارىن قۇرىپ, ٶز ەرەكەتتەرٸن اقىلداسادى.
5 ماۋسىمدا شامامەن تٷسكٸ ساعات 12.00-دە يسلام دٸنٸنٸڭ جالپى نەگٸزٸن ۇستاناتىن جەنە "سالافي جيھادي" دەستٷرلٸ ەمەس باعىتىن قولدايتىن 44 ادام پەتەردە جينالادى دەلٸنگەن ايىپتاۋ قۇجاتىندا. "بۇل پەتەردە تاڭاتاروۆ, ايتۋعان جەنە قابيەۆ جيىننىڭ نەگٸزگٸ سەبەبٸن حابارلايدى, ال جيىننىڭ قۇپييالىعىن ساقتاۋ ٷشٸن ۇيالى تەلەفوندارىن جيناپ الادى. تاڭاتاروۆ بارلىعىن "قارۋلى جيھاد" جاساۋعا جەنە شاھيد بولۋعا, ياعني قۇربان بولۋعا شاقىرادى. تٷسٸنٸكتٸ بولۋ ٷشٸن تاڭاتاروۆتىڭ ورىس تٸلٸندە ايتقان سٶزدەرٸن ايتۋعان قازاق تٸلٸندە قايتالاپ بەرگەن", - دەلٸنگەن ٸس ماتەريالدارىندا.
الايدا جينالعانداردىڭ ٸشٸندە 22 ادام جيھادقا قاتىسۋدان باس تارتاتقان, كەيٸن پەتەردەن كەتٸپ قالعان دەلٸنەدٸ. بٸراق ولار تەرروريستٸك توپتىڭ قارۋلى جيھادقا جينالىپ جاتقانىن بٸلە تۇرا, قۇقىق قورعاۋ ورگاندارىنا حابارلاماعان دەلٸنەدٸ. قازٸر ولارعا دايىندالىپ جاتقان تەرروريستٸك اكت جايىندا حابارلاماۋ بويىنشا ايىپ تاعىلىپ وتىر. ولار دا سوتتالۋشى رەتٸندە سوتتا وتىر. قالعان 22 ادام, ايىپتاۋ قۇجاتىنا سەيكەس, قۇقىق قورعاۋ ورگاندارىنا قارسى قارۋلى جيھادقا قاتىسۋعا ٶز ەرٸكتەرٸمەن كەلٸسٸم بەرگەن.
2016 جىلدىڭ 5 ماۋسىمىندا ساعات شامامەن 14.23-تە توپ "پاللادا" قارۋ-جاراق دٷكەنٸنە شابۋىل جاسالادى. اقتٶبەلٸك جيھادشىلار قارۋلانعاننان كەيٸن دٷكەننەن جٷگٸرٸپ شىعادى. كەيٸن ولار "پانتەرا" دەگەن تاعى بٸر قارۋ-جاراق دٷكەنٸن توناعان. اتىس سالدارىنان لاڭكەستەردٸڭ قولىنان اقتٶبەنٸڭ 7 جەتٸ تۇرعىنى قازا تاپقان.
