وقۋشى ٶلٸمٸنەن سوڭ قىلمىستىق كودەكستٸڭ «بۇزاقىلىق», «ادام ٶلتٸرۋ» باپتارى بويىنشا ٸس قوزعالدى. كٷدٸككە ٸلٸككەندەردٸڭ بەرٸ - وقۋشىلار مەن كوللەدج ستۋدەنتتەرٸ, دەپ حابارلايدى "ۇلت اقپارات".
بٷگٸن اقتٶبە وبلىستىق پوليتسييا دەپارتامەنتٸنٸڭ باستىعى اتىعاي ارىستانوۆ وقۋشى ٶلٸمٸنە قاتىستى جان-جاقتى اقپارات بەردٸ. تٶبەلەس وقۋشى قىز بەن جٸگٸت اراسىنداعى قارىم-قاتىناستان سوڭ بولعان.
«10 قاراشا كٷنٸ بالالار توپ بولىپ تٶبەلەسكەنٸن بٸلەسٸزدەر. №61 ورتا مەكتەپتٸڭ 2004 جىلعى وقۋشىسى كٶز جۇمدى. وقيعا شامامەن ساعات 20:00-دە زارەچنىي اۋىلىنداعى «جالعاس» دٷكەنٸ ماڭىندا بولدى. كەمەلەت جاسىنا تولماعانداردىڭ تٶبەلەسٸ قىز بەن جٸگٸت اراسىنداعى قارىم-قاتىناستان باستالعان ەكەن. سول مەكتەپتٸڭ 9-سىنىپ وقۋشىسى قۇرداسىمەن سٶزگە كەلٸپ, جانجالداسىپ قالعان. ال وقۋشى قىز تانىستارىنا شاعىمدانىپ, كەيٸن ونىڭ سوڭى ٷلكەن داۋعا اينالىپ كەتتٸ. قازٸرگٸ كەزدە كٷدٸكتٸلەردٸڭ بەرٸ ۇستالدى. قىلمىستىق كودەكستٸڭ «بۇزاقىلىق», «ادام ٶلتٸرۋ» باپتارى بويىنشا ٸس قوزعالىپ, سوتالدى تەرگەۋ جۇمىستارى جٷرٸپ جاتىر», - دەدٸ اقتٶبە وبلىستىق پوليتسييا دەپارتامەنتٸنٸڭ باستىعى اتىعاي ارىستانوۆ.
بۇل تٶبەلەسكە №61 ورتا مەكتەپتٸڭ 9, 10, 11 سىنىپ وقۋشىلارى, م.ارىن اتىنداعى مەكتەپتٸڭ شەكٸرتتەرٸ قاتىسقان. كوللەدج ستۋدەنتتەرٸ دە بار. سول كٷنٸ 15 جاستاعى جەبٸرلەنۋشٸنٸ جاپپاي تٶبەلەسكە قاتىسقان جاسٶسپٸرٸمدەر اۋرۋحاناعا جەتكٸزگەن. بٸراق اۋرۋحانا ٸشٸنە كٸرگٸزبەي, اۋلاسىنا تاستاپ كەتكەن.
«قايعىلى وقيعادان سوڭ دا بٸر جاسٶسپٸرٸم اۋلادا تۇرعان ەكەسٸنٸڭ كٶلٸگٸن ايداپ كەتٸپ, جەبٸرلەنۋشٸنٸ اۋرۋحاناعا اپارماق بولعان. تەمٸرجول اۋرۋحاناسىنا اپارىپ, سول ماڭعا تاستاپ كەتكەن. ٶزدەرٸن پوليتسييا قىزمەتكەرلەرٸ ۇستاپ الدى. رٶلدە كەمەلەت جاسىنا تولماعان №61 مەكتەپتٸڭ 11-سىنىپ وقۋشىسى وتىرعان. ەكەسٸ بٸلمەگەن, وتباسىنا ايتپاعان», - دەدٸ اتىعاي ارىستانوۆ.
پوليتسييا باستىعى اتا-انالاردان بالالارىن باقىلاۋسىز قالدىرماۋدى سۇرادى. ەسٸرەسە كەشكٸسٸن ٷيدەن شىعارماعان ابزال.
«وقۋشى ٶلٸمٸنە قاتىستى اقتٶبە اۆتوجول كوللەدجٸنٸڭ 17 جاستاعى ستۋدەنتٸ قاماۋعا الىندى. ونىڭ جانىندا دوستارى دا بولعان. بٸرەۋٸ - كوللەدج ستۋدەنتٸ, ەكٸنشٸسٸ - م.ارىن اتىنداعى ورتا مەكتەپتٸڭ 11-سىنىپ وقۋشىسى», - دەدٸ پوليتسييا باستىعى.
ەسكە سالساق, اقتٶبەدە كەمەلەت جاسىنا تولماعان بالالار اراسىندا تٶبەلەس بولىپ, بٸرەۋٸ كٶز جۇمدى, تاعى ەكەۋٸ پىشاق جاراقاتىن الدى.
