اقتٶبەدە اۆتوبۋس ٶرتٸنە قاتىستى سوت وتىرىسى جالعاسىپ جاتىر. سوتقا قاتىسقان 22 جەبٸرلەنۋشٸنٸڭ ٶكٸلٸ قازا بولعان ەربٸر ٶزبەكستاندىق ٷشٸن 150 ميلليون تەڭگە مورالدىق ٶتەماقى سۇرادى, دەپ حابارلايدى قازاقپارات تٸلشٸسٸ.
اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا اۆتوبۋس ٶرتٸنە قاتىستى ٸس قارالىپ جاتىر. بٷگٸن ادۆوكات اقجان اقىلوۆا تٸكەلەي بايلانىسقا شىعىپ, جەبٸرلەنۋشٸلەردٸڭ ٶكٸلدەرٸ قويعان تالاپتى وقىدى.
«سوت وتىرىسىنا قاتىسىپ, جاۋاپ بەرگەن ٶزبەكستاننىڭ 22 ازاماتى قازا بولعان ادامداردىڭ ەرقايسىسى ٷشٸن 150 ميلليون تەڭگە مورالدىق شىعىن تالاپ ەتٸپ وتىر. سونىمەن قاتار, ٶزبەكستاننىڭ نامانعان قالاسىنان كەلگەن حاتاموۆ پەن مادراحيموۆ تاعى 20 ادامنىڭ ٶتٸنٸشٸن جەتكٸزدٸ. ولار سوتقا قاتىسا المايتىنىن ايتىپ, ايىپتالۋشىلارعا ەڭ قاتاڭ جازا بەرۋٸن جەنە مورالدىق شىعىن رەتٸندە قازا بولعان ەر ادامعا 150 ميلليون تەڭگە سۇراپ وتىر»,- دەدٸ قورعاۋشى اقىلوۆا.
ەسكە سالساق, سوت وتىرىسى كەزٸندە سوتتالۋشىلار نۇرجان قىرعىزباەۆ, ماقسات پەرنەبەكوۆ پەن بارات تاڭاتوۆ, نۇرلىبەك تٸلەپباەۆ, باحادٷر پەردەباەۆ ٶزٸنە تاعىلعان ايىپپەن كەلٸسكەن جوق. بارلىعى ٶز كٸنەسٸن مويىندامادى. قازٸرگٸ ۋاقىتتا ٸس ماتەريالىن زەرتتەۋ باستالدى.
