پاۆلودار وبلىسىندا ەر ادام ەيەلٸنٸڭ ٷستٸنە سپيرت قۇيىپ, ٶرتەپ جٸبەرگەن. بٸرٸنشٸ دەرەجەلٸ كٷيٸك شالعان اۋىل تۇرعىنى پاۆلودار قالاسىنىڭ اۋرۋحاناسىنا جاتقىزىلدى, دەپ حابارلايدى "ۇلت اقپارات" Pavlodarnews.kz سايتىنا سٸلتەمە جاساپ.
- پاۆلودار اۋدانىنىڭ پوليتسيياسىنا اۋىلداردىڭ بٸرٸندە ەر ادام ەيەلٸن ٶرتەپ جٸبەرگەنٸ تۋرالى قوڭىراۋ شالىندى. وقيعا ورنىنا كەلگەن پوليتسييا قىزمەتكەرلەرٸ 8 تامىز كٷنٸ ساعات 02.00 شاماسىندا ەرلٸ-زايىپتىلار اراسىندا جانجال بولعانىن انىقتادى. كٷيەۋٸ ماس كٷيٸندە ٶز كٶلٸگٸمەن كەتۋگە تىرىسقان, ال ەيەلٸ وعان تىيىم سالعان. ارادا جانجال شىعىپ كٷيەۋٸ توڭازىتقىشتان سپيرت الىپ, جۇبايىنىڭ ٷستٸنە قۇيعان دا, وتتىقپەن جاعىپ جٸبەرگەن. سول كٷنٸ قايىن اتاسىنىڭ مەرەيتويىندا بولعان, - دەدٸ پاۆلودار وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى جاسقايرات قايىروۆ.
