اقتٶبە وبلىسى اۋماعىندا جول اپاتىنان ٶزبەكستاننىڭ ەكٸ ازاماتى قازا تاپتى.
ٶزبەكستان تٶتەنشە جاعدايلار مينيسترلٸگٸنٸڭ حابارلاۋىنشا, جول اپاتى 5 ناۋرىز كٷنٸ ساعات 10:50-دە اقتٶبە وبلىسىنىڭ ٶلكە ەلدٸ مەكەنٸ تۇسىندا سامارا – شىمكەنت جولىندا بولعان. سانكت-پەتەربۋرگتەن تاشكەنتكە كەتٸپ بارا جاتقان Opel Astra جەڭٸل كٶلٸگٸ كاماز كٶلٸگٸمەن سوقتىعىسقان. سالدارىنان ٶزبەكستاننىڭ ەندٸجان وبلىسىنىڭ 1978 جىلى جەنە 1975 جىلى تۋعان ەكٸ تۇرعىنى قازا تاپقان.
قازٸر ٶزبەكستان قۇزىرلى ورگاندارى مارقۇمداردىڭ مەيٸتٸن اقتٶبەدەن الىپ كەتۋ شارالارىن ٸستەپ جاتىر.
قازاقستاننىڭ باتىس ٶڭٸرٸندە جىل باسىنان بەرٸ وسىمەن تٶرتٸنشٸ رەت ٶزبەكستان ازاماتتارى جول اپاتىنا ۇشىراپ وتىر. 18 قاڭتار كٷنٸ اقتٶبە وبلىسىنىڭ ىرعىز اۋدانى قالىباي اۋىلىنان 10 شاقىرىم جەردە جولاۋشىلار اۆتوبۋسى ٶرتەنٸپ, ٶزبەكستاننىڭ 52 ازاماتى قازا تاپقان. اۆتوبۋستا بارلىعى 57 ادام – 54 جولاۋشى مەن ەكٸ جٷرگٸزۋشٸ بولعان. ەكٸ جولاۋشى مەن ٷش جٷرگٸزۋشٸ امان قالعان.
25 اقپاندا وڭتٷستٸك قازاقستان وبلىسىندا تٸركەلگەن Mercedes ماركالى اۆتوبۋس رەسەيدەن كەلە جاتقاندا جٷرگٸزۋشٸ رٶلگە يە بولا الماي, اۆتوبۋس جىراعا تٷسٸپ كەتٸپ, اۋدارىلعان. سالدارىنان اۆتوبۋستا بولعان ٶزبەكستاننىڭ جەتٸ ازاماتى تٷرلٸ جاراقات العان. رەسمي مەلٸمەت بويىنشا, اۆتوبۋستا 25 جولاۋشى بولعان. ناۋرىزدىڭ باسىندا ماڭعىستاۋ وبلىسىندا دا جول اپاتىنان ٶزبەكستاننىڭ التى ازاماتى وپات بولعان.
