اقتٶبەدە ٷش ەمدەۋ مەكەمەسٸ قابىلداماي قويعان 5 جاسار قىزدىڭ ٶلٸمٸنە بايلانىستى ارنايى كوميسسييا قۇرىلدى, دەپ حابارلايدى "ۇلت اقپارات".
اقتٶبە وبلىستىق دەنساۋلىق ساقتاۋ باسقارماسى تەۋەلسٸز كوميسسييا قۇرىپ, بالانىڭ ٶلٸم سەبەبٸن انىقتاۋعا كٸرٸستٸ.
«بۇل جاعداي دەنساۋلىق ساقتاۋ مينيسترلٸگٸنٸڭ, وبلىس ەكٸمٸنٸڭ باقىلاۋىنا الىندى. كوميسسييا قۇرامىندا ٶزگە وبلىستىڭ دەرٸگەرلەرٸ مەن بٸلٸكتٸ ماماندارى بار. تەۋەلسٸز باقىلاۋ جٷرگٸزٸلەدٸ. بالانىڭ ٷش ەمدەۋ مەكەمەسٸنٸڭ قابىلداۋ بٶلٸمدەرٸندە جٷرٸپ قالعانىن راستايمىز. بۇل – دۇرىس ەمەس جەنە الداعى ۋاقىتتا قاتاڭ شارا قولدانىلادى. بالانىڭ ناقتى قاي جەرٸ اۋىرعانىن ەندٸ تەۋەلسٸز كوميسسييا انىقتاپ, حابارلايدى. الدىن الا بولجام بويىنشا, ۆيرۋستى ينفەكتسييا ميدى جەنە تىنىس الۋ جولدارىن جانسىزداندىرعان», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا.
ونىڭ ايتۋىنشا, بالا 6 كٷن بويى اۋىرىپ, جەتٸنشٸ كٷنٸ جەدەل جەردەم شاقىرعان.
«بالاباقشادا جٷرگەندە قىزۋى كٶتەرٸلٸپ, ارادا اپتا ٶتكەندە عانا دەرٸگەرلەرگە جٷگٸنگەن. بۇل – مەنينگيت ەمەس, جەدەل رەسپيراتورلىق-ۆيرۋستىق ينفەكتسييا», - دەدٸ س.ەسەنامانوۆا.
ايتا كەتەيٸك, ناۋقاس قىز الدىمەن, جەدەل جەردەممەن وبلىستىق بالالار اۋرۋحاناسىنا جەتكٸزٸلگەن. ول جەردەن جۇقپالى اۋرۋلار اۋرۋحاناسىنا, ودان ەرٸ قالالىق بالالار اۋرۋحاناسىنا جولدانعان.
«ەمحانادان جەدەل جەردەممەن وبلىستىق بالالار اۋرۋحاناسىنا جەتكٸزٸلدٸ. پەدياتر, نەيروحيرۋرگ قاراپ, جۇقپالى اۋرۋلار اۋرۋحاناسىنا جٸبەرگەن. ول ەمدەۋ ورنى ناۋقاستى قابىلداماي, قوسىمشا كەڭەس الۋ ٷشٸن قالالىق بالالار اۋرۋحاناسىنا سٸلتەدٸ. بۇل – دۇرىس ەمەس. جۇقپالى اۋرۋلار اۋرۋحاناسى قاجەتتٸ ماماندى ەمدەۋ ورنىنا شاقىرۋى تيٸس ەدٸ. سودان سوڭ بالا قالالىق بالالار اۋرۋحاناسىنا بارىپ, جۇقپالى اۋرۋلار اۋرۋحاناسىنا قايتا كەلٸپ, اۋرۋحانادا كٶز جۇمدى. انىقتالعانى وسى», - دەدٸ باسقارما باسشىسىنىڭ ورىنباسارى.
