اقتٶبەدە شوشقا فەرماسىنىڭ يەسٸنە قاتىستى قىلمىستىق ٸس قوزعالدى, كەسٸپكەر ٷيقاماقتا وتىر, دەپ حابارلايدى "ۇلت اقپارات".
اقتٶبەدەگٸ شوشقا فەرماسىنا قاتىستى الدىمەن ەكٸمشٸلٸك ٸس قوزعالىپ, بارلىعى 7 ميلليارد تەڭگەدەن استام ايىپپۇل سالىندى. كەيٸن سەرٸكتەستٸك قايتا اپپەلياتسييالىق شاعىم تٷسٸردٸ. ال سول اپپەلياتسييالىق سوتتا ەكٸ ارىز شەشٸمٸ ٶزگەرٸسسٸز قالدىرىلىپ, سوت ورىنداۋشىلارى زاڭ اياسىندا جۇمىسقا كٸرٸستٸ.
«قازٸرگٸ ۋاقىتتا اقتٶبە وبلىسى بويىنشا جەكە سوت ورىنداۋشىلارى ٶڭٸرلٸك پالاتاسىنا ەكٸ اتقارۋ پاراعى تٷستٸ. بٸرٸنشٸسٸ كٶڭ قويماسىن پايدالانۋ, ەكٸنشٸسٸ اعىندى سۋلاردىڭ قورشاعان ورتانى لاستاۋى. سوت ورىنداۋشىلارى بورىشكەرگە سوت شەشٸمدەرٸن ورىنداۋ تۋرالى حابارلاما بەردٸ. مەرزٸمٸ بٸر اپتا. بٸراق اتقارىلۋى تيٸس ٸس اۋقىمى كٶپ. بٸر اپتادا ٷلگەرۋٸ نەعايبٸل», - دەدٸ اقتٶبە وبلىسى بويىنشا جەكە سوت ورىنداۋشىلارى ٶڭٸرلٸك پالاتاسى باسشىسىنىڭ ورىنباسارى قايرات تاڭقاەۆ.
سونىمەن بٸرگە شوشقا فەرماسىنىڭ يەسٸنە قاتىستى قىلمىستىق ٸس قوزعالدى.
«ەكولوگييا دەپارتامەنتٸنٸڭ تەكسەرۋٸنەن سوڭ قىلمىستىق ٸس قوزعالدى. قىلمىستىق كودەكستٸڭ «جەردi بٷلدiرۋ» بابى بويىنشا تەرگەۋ جٷرٸپ جاتىر. سەرٸكتەستٸك باسشىسى گايك تەرتەريان ٷيقاماقتا وتىر. كٷدٸكتٸنٸڭ كٸنەسٸ دەلەلدەنسە, 5 جىلعا دەيٸن باس بوستاندىعىنان ايىرىلۋى مٷمكٸن», - دەدٸ وبلىستىق پد تەرگەۋ باسقارماسىنىڭ اعا تەرگەۋشٸسٸ ايگٷل يمانعازينا.
