اقتٶبە وبلىسىندا موبيلدٸ توپتار از قامتىلعان جەنە كٶپبالالى وتباسىلاردى ارالاپ, مٷمكٸندٸگٸنشە ولاردىڭ ەلەۋمەتتٸك پروبلەمالارىن شەشۋ جۇمىستارىن جالعاستىرۋدا.
ٶڭٸر باسشىسى باستامالىق ەتكەن اكتسييا ەشكٸمدٸ بەي-جاي قالدىرمادى, وعان قوعام قايراتكەرلەرٸ, مەملەكەتتٸك ورگانداردىڭ باسشىلارى, ەرٸكتٸلەر, جاستار قوسىلىپ, جەرگٸلٸكتٸ كەسٸپكەرلەر دە بەلسەندٸ تٷردە ات سالىسىپ جاتىر. حالىق اراسىنداعى ەلەۋمەتتٸك جاعىنان از قامتىلعان ونداعان وتباسى كٷن سايىن ازىق-تٷلٸك, كوممۋنالدىق قارىزدارىن تٶلەۋ, كٶمٸرمەن قامتاماسىز ەتۋ سەكٸلدٸ ت.ب. كٶمەكتەر الۋدا.
«اقتٶبەقۇرىلىسەكسپەرت» كومپانيياسىنىڭ ديرەكتورى جاستالاپ جانباۋوۆ سەدۋوۆتەر وتباسىنىڭ تۇرعىن ٷي مەسەلەسٸن شەشٸپ بەردٸ.
47 جاستاعى «التىن القا» يەگەرٸ سالتانات سەدۋوۆانىڭ وتباسىندا سەگٸز بالا بولسا, ولاردىڭ ەكەۋٸنٸڭ مٷگەدەكتٸگٸ بار, جولداسى دا ەكٸنشٸ توپتاعى مٷگەدەك. وتباسى وسىدان بٸراز جىل بۇرىن بالالارىنىڭ سىرقاتىنا بايلانىستى ەيتەكە بي اۋدانىنان اقتٶبەگە كٶشٸپتٸ. وبلىس ورتالىعىندا باسپانالارى بولماعاندىقتان ولار تٶرت جىل بويى پەتەر جاعالاپ جٷرگەن. ەندٸ بۇلاي ەتۋدٸڭ قاجەتٸ جوق.
«وسى قۋانىشتى سەتتٸ بٸز تٶرت جىل كٷتتٸك. مٸنە قامقور جانداردىڭ, وبلىس باسشىلىعىنىڭ ارقاسىندا بٸزدٸڭ ٶز پەتەرٸمٸز بار. جاستالاپ جانباۋوۆ – جەرلەسٸم, ٶزٸ دە كٶپ بالالى وتباسىندا ٶستٸ. كٶمەگٸ مەن قامقورى ٷشٸن الىعس ايتامىن»,- دەدٸ كٶز جاسىنا ەرٸك بەرگەن سالتانات سەدۋوۆا.
كەسٸپكەر: «وسىنداي قايىرىمدى ٸستەن ەشكٸم تىس قالماۋى كەرەك. بٸزدەر, كەسٸپكەرلەر مۇقتاج جاندارعا قولدان كەلگەن كٶمٸگٸمٸزدٸ اياماعانىمىز جٶن. بيزنەس ٶكٸدەرٸ بۇل باستاماعا قولداۋ كٶرسەتٸپ, از قامتىلعان وتباسىلارعا كٶمەك كٶرسەتەدٸ دەپ سەنەمٸن. ەرٸپتەستەرٸم, بٸرنەشە قۇرىلىس كومپانييالارىنىڭ باسشىلارى دا كٶمەك قولىن سوزۋعا ەزٸر. كەسٸپكەرلەردٸ قوعامدىق ٸسكە قولدان كەلگەن ٷلەستەرٸن قوسۋعا شاقىرامىز»,- دەپ اتاپ ٶتتٸ.
