اقتٶبە قالاسىندا گرەك-ريم كٷرەسٸنەن ەل بٸرٸنشٸلٸگٸ باستالدى. ٷش كٷنگە جوسپارلانعان چەمپيوناتقا نۇر-سۇلتان, الماتى, شىمكەنت قالالارى جەنە 14 وبلىستان 200-دەن استام بوز كٸلەم شەبەرٸ قاتىسۋدا, دەپ حابارلايدى "ۇلت اقپارات".
جەكپە-جەك سارايىندا 10 سالماق بويىنشا پالۋاندار ٶزارا مىقتىنى انىقتايدى. جەڭٸمپازدار ۇلتتىق قۇراماعا الىنادى جەنە ەلەم, ازييا چەمپيوناتىنا قاتىسۋعا مٷمكٸندٸك الادى.
«سپورتشىلاردىڭ اراسىندا ەلەمدٸك بوز كٸلەمدە كٷرەسٸپ جٷرگەن پالۋاندار بارىن ەسكەرسەك, بيىلعى ەل بٸرٸنشٸلٸگٸ تارتىستى ٶتپەك. پاندەميياعا بايلانىستى سانيتارلىق تالاپقا ساي جارىس كٶرەرمەندەرسٸز ٶتٸپ جاتىر. الايدا چەمپيوناتتى YouTube كانالىنان, @aqtobe_obl_sport ەلەۋمەتتٸك جەلٸدە تٸكەلەي ەفيردە تاماشالاي الادى. اتالمىش دودا قر تەۋەلسٸزدٸگٸنٸڭ 30 جىلدىعى مەن قاجىمۇقان مۇڭايتپاسۇلىنىڭ 150 جىلدىعىنا ورايلاستىرىلعان», - دەدٸ وبلىستىق دەنە شىنىقتىرۋ جەنە سپورت باسقارماسى باسپاسٶز قىزمەتٸنٸڭ جەتەكشٸسٸ ەرلان مۇقان.
ايتا كەتەيٸك, اقتٶبە وبلىسىنىڭ قۇراماسى ٷزدٸكتەردەن جاساقتالعان. قۇراما ساپىندا 60 كەلٸگە دەيٸنگٸ سالماقتا V جازعى سپارتاكيادانىڭ جٷلدەگەرٸ نۇربولات تەمٸرباەۆ, 63 كەلٸدە كادەتتەر اراسىندا ازييا چەمپيوناتتارىنىڭ جەڭٸمپازدارى ەدٸل سيسەنباەۆ, 77 كەلٸگە دەيٸنگٸ سالماقتا ازييا چەمپيونى دەۋلەت جالعاسوۆ بار. ٷزدٸك ٷشتٸككە ەنگەن اقتٶبەلٸك سپورتشىلار جىل بويى جەرگٸلٸكتٸ بيۋدجەتتەن قوماقتى شەكٸرتاقى الا الادى. ناۋرىز ايىنىڭ باسىندا يتالييا استاناسىندا قازاقستان ۇلتتىق قۇراماسىنىڭ قاتىسۋىمەن حالىقارالىق رەيتينگتٸك تۋرنير ٶتەدٸ. وندا 63 كەلٸگە دەيٸنگٸ سالماقتا جەرگٸلٸكتٸ گرەك-ريمدٸكتەردٸڭ تانىمال كٶشباسشىسى, ەڭبەك سٸڭٸرگەن سپورت شەبەرٸ مەيرامبەك ايناعۇلوۆ ٶنەر كٶرسەتەدٸ.
