اقتٶبەدە 22 سەۋٸر تاڭعى ۋاقىتتا ٶزٸ تۇرىپ جاتقان پەتەردە پىشاق جاراقاتىنان كٶز جۇمعان ەيەلدٸڭ ٶلٸمٸنە قاتىستى تىڭ دەرەك شىقتى. مارقۇم مٶلدٸر توماروۆا قالاداعى مەديتسينا ورتالىقتارىنىڭ بٸرٸندە دەرٸگەر بولىپ قىزمەت ەتكەن. ونىڭ كٶرشٸلەرٸ قاندى وقيعا تۋرالى كٶرگەن-بٸلگەنٸن ايتىپ بەردٸ, دەپ حابارلايدى "ۇلت اقپارات" kaz.nur.kz باسىلىمىنا سٸلتەمە جاساپ.
اقتٶبە قالالىق پوليتسييا دەپارتامەنتٸنٸڭ ٶكٸلدەرٸ 22 سەۋٸردە 34 جاستاعى ەيەل تانىسىنىڭ قولىنان كٶز جۇمعانىن مەلٸم ەتكەن بولاتىن. قاندى وقيعا تۋرالى پوليتسيياعا مارقۇمنىڭ كٶرشٸلەرٸ حابارلاعان.
پورتال تٸلشٸسٸ وقيعا ورنىنا بارىپ, مارقۇمنىڭ كٶرشٸلەرٸمەن تٸلدەستٸ. قاندى وقيعا بولعان پەتەر مٶرلەنگەن. وقيعا بولعان ٷيدٸڭ تۇرعىنى جاتىن كيٸمٸمەن جٷرگەن قىزدى دەلٸزدە شاشىنان سٷيرەگەن ەر ادامدى كٶرگەنٸن ايتتى.
"پوليتسيياعا مەن حابارلاستىم. ول كەزدە ساعات تاڭعى 5:02 ۋاقىتتى كٶرسەتٸپ تۇردى. قىزدىڭ جان داۋىسى شىعىپ جاتتى. قارسى ەسٸكتەن دە كٶرشٸمٸز شىقتى. پوليتسييا 15 مينۋتتان كەيٸن, تجد قىزمەتكەرلەرٸ 40 مينۋت شاماسىندا كەلدٸ. ٷيدٸڭ ەسٸگٸ بٸر ساعات اينالاسىندا اشىلدى. تٸرٸ دەپ ويلادىم. كٶمەكتەسۋ ٷشٸن جٷگٸرٸپ باردىم. بٸراق قىزدىڭ كەۋدە تۇسى قان ەكەن. جۇقا جاتىن كيٸمٸمەن جاتتى. بەرٸ كٶز الدىمدا بولعاندىقتان ٶزٸم دە قينالىپ جٷرمٸن. كٶمەك ۋاقىتىندا بولسا, قىز امان قالار ما ەدٸ.
وسىعان دەيٸن دە ول قىزدىڭ تٷندە دەلٸزدە جىلاپ وتىرعانىن كٶرگەنمٸن. بٸراق ول كەزدە ٷيٸنە كٸرٸپ كەتتٸ. قاسىنداعى كٶرشٸلەرٸنە «بٸرەۋ گٷل ەكەلٸپ بەرسە الماڭدار, پوليتسيياعا ارىز بەرسەم دە قويمايدى, قورقامىن» دەگەن. بارلىق جاعدايدى تەرگەۋشٸگە باياندادىم, سوتتا دا ايتىپ بەرەمٸن", - دەيدٸ مارقۇمنىڭ كٶرشٸسٸ.
ايتۋىنشا, بۇل – مەملەكەتتٸك قىزمەتكەرلەرگە ارنالعان ٷي. بالكونى اشىق, قاۋٸپسٸزدٸك ساقتالماعان. تۇرعىندار كٸم كٶرٸنگەن كٸرٸپ, ٶلتٸرٸپ كەتۋٸ مٷمكٸن دەپ قورقادى.
قايعىلى وقيعا بولعان ٷيدٸڭ تۇرعىندارى مۇنداي وقيعانىڭ بۇرىن بولماعانىن ايتتى.
"بالكوننان كٸرگەن دەپ ەستٸدٸك. قىز دەلٸزگە شىعىپ قاشقان. قىز قاتتى ايقايلاعان. مۇنداي جاعداي بۇرىن بولمادى. قورقىنىشتى. ول قىزدى قاتتى تانىمايمىز. بٸراق اۋلادان كٶرگەنبٸز", - دەيدٸ مارقۇمنىڭ كٶرشٸسٸ ماحاببات جامانتايقىزى.
ال مارقۇمنىڭ ەرٸپتەستەرٸ بۇل وقيعانى ەلەۋمەتتٸك جەلٸدەن ەستٸگەن. قالاداعى جەكە مەديتسينا ورتالىعى قىزمەتكەرلەرٸنٸڭ ايتۋىنشا, ەندوكرينولوگ دەرٸگەر جاقىندا عانا ەڭبەك دەمالىسىنا شىققان.
"ول كٸسٸ بٸزدە 9 جىلدان اسا جۇمىس ٸستەدٸ. العاشىندا تەراپەۆت بولىپ كەلدٸ. كەيٸن رەزيدەنتۋراعا تٷسٸپ, ەندوكرينولوگ دەرٸگەرٸ بولدى. اۋرۋحاناداعى جاۋاپتى جۇمىستاردى اتقاردى. بٸلٸكتٸ دەرٸگەر ەدٸ. ٶكٸنٸشتٸ. ول وقيعا بولعان كەزدە ەڭبەك دەمالىسىنا شىققان. قايعىلى حاباردى ەلەۋمەتتٸك جەلٸدەن وقىدىق. قيىن جاعداي. تٶبەمٸزدەن جاي تٷسكەندەي بولدى. ەرتەڭ جانازاسى بولادى. اقتىق ساپارعا شىعارىپ سالۋعا ەرٸپتەستەر كەتتٸ", - دەيدٸ اقتٶبە مەديتسينالىق ورتالىعى ٶكٸلدەرٸ.
بٸلٸكتٸ ەندوكرينولوگ دەرٸگەردٸڭ ٶلٸمٸنە قاتىستى پوليتسييا تەرگەۋ جٷرگٸزٸپ جاتىر. قۇزىرلى ورگان كٷدٸكتٸ مارقۇمنىڭ كٶلٸگٸنە مٸنٸپ قاشتى دەگەن مەلٸمەتتٸ راستامادى.
"كٶلٸك مارقۇمعا تيەسٸلٸ ەمەس. جالعا العان. وقيعانى بٸرٸنشٸ كٶرشٸلەرٸ حابارلادى. كٸسٸ ٶلتٸرۋ فاكتٸسٸ بويىنشا تەرگەۋ جٷرٸپ جاتىر", - دەپ حابارلادى اقتٶبە وبلىستىق پد-نٸڭ باسپاسٶز حاتشىسى.
