اقتٶبەدە ٶتكەن تٷنٸ كومەندانتتىق ساعات تەرتٸبٸن بۇزعان 83 ادام ەكٸمشٸلٸك جاۋاپقا تارتىلدى. ال بلوكبەكەتتەن ٶتكەن كٶلٸك جولاۋشىسىنان قارۋ تابىلدى, دەپ حابارلايدى قازاقپارات.
قۇقىق قورعاۋ ورگاندارىنىڭ قىزمەتكەرلەرٸ قوعامدىق تەرتٸپتٸ جەنە ازاماتتاردىڭ قاۋٸپسٸزدٸگٸن قامتاماسىز ەتۋ ٷشٸن كٷشەيتٸلگەن رەجيمدە جۇمىسىن جالعاستىرىپ جاتىر. وبلىستاعى جاعداي پوليتسييانىڭ تولىق باقىلاۋىندا.
«ٶتكەن تٷنٸ كومەندانتتىق ساعاتتى بۇزعانى ٷشٸن پوليتسييا بٶلٸمدەرٸنە 115 ازامات جەتكٸزٸلدٸ. ونىڭ 83 ەكٸمشٸلٸك جاۋاپقا تارتىلدى (30-ى قاماۋعا الىندى, 9-ىنا ايىپپۇل سالىندى, 20-ىنا ەسكەرتۋ بەرٸلدٸ). سونىمەن قاتار قازٸرگٸ ۋاقىتتا 3 ادام قاماۋدا وتىر. تاعى 4 ادامعا قاتىستى بۇلتارتپاۋ شاراسى قاراستىرىلىپ, سوتقا دەيٸن تەرگەۋ جالعاسىپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
اقتٶبە قالاسىنىڭ جەنە اۋدان ورتالىقتارىنىڭ شىعا بەرٸسٸندە 10 بلوكبەكەت ورناتىلعان. وندا پوليتسييا قىزمەتكەرلەرٸ مەن ەسكەريلەر قۇجاتتار مەن كٶلٸك ٸشٸن تەكسەرەدٸ.
«10 قاڭتار كٷنٸ بلوكبەكەتتە 40 جاستاعى جٷرگٸزۋشٸنٸڭ باسقارۋىنداعى «ۆاز-2140» اۆتوكٶلٸگٸ توقتاتىلدى. جٷرگٸزۋشٸنٸڭ تانىسىنىڭ قولىندا 12 كاليبرلٸ تەگٸس ۇڭعىلى ەكٸ مىلتىق بولعان. قارۋ يەسٸ ەكٸمشٸلٸك جاۋاپقا تارتىلدى», - دەدٸ ەربولات سارقۇلوۆ.
