اقتٶبەدە مەكتەپ تٷلەگٸن ٶلتٸردٸ دەگەن كٷدٸككە ٸلٸنگەن "التىن بەلگٸ" يەگەرٸ سوتتالىپ جاتىر. پوليتسەيدٸڭ ۇلى پىشاق جاراقاتىنان كٶز جۇمدى.
31 تامىزدا الدىن الا تىڭداۋ ٶتتٸ. سوتتا بەكناز ك-گە القابيلەر سوتىن قولدانۋ ۇسىنىلدى, الايدا ول باس تارتتى. سوتتالۋشىنىڭ ادۆوكاتى سوتقا كۋەگەرلەردٸ – ەكٸ قىز بەن سىنىپتاستارىن شاقىرۋدى, تٶبەلەس كەزٸندە بەكناز دا جاراقات العاندىقتان قىلمىستىق ٸسكە امبۋلاتورييالىق كارتانى تٸركەۋدٸ, سوتتالۋشىنىڭ سىنىپ جەتەكشٸسٸ مەن وقۋ ٸسٸ مەڭگەرۋشٸسٸنٸڭ وعان بەرگەن مٸنەزدەمەسٸن قوسۋدى, قوڭىراۋ دەرەكتەرٸن الۋدى, ەلەۋمەتتٸك جەلٸلەردەگٸ حات-حابارلاردى تٸركەۋدٸ سۇرادى, دەپ جازدى "اقتٶبە تايمس".
باسىلىم اتاپ ٶتكەندەي, سوتتا ٶلگەن وقۋشىنىڭ ەكەسٸ اقتٶبە پوليتسيياسىندا جۇمىس ٸستەيتٸنٸ ايتىلدى. باستى سوت تالقىلاۋىن 3 قىركٷيەكتە ٶتكٸزۋ جوسپارلانعان.
№19 مەكتەپتٸڭ تٷلەگٸ ازات دٷسٸپوۆ 17 ماۋسىمدا "اقتٶبە" — "ورداباسى" ويىنىنان كەيٸن بٸرنەشە ساعاتتان سوڭ قازا بولدى. ازاتتىڭ دوستارىنىڭ ايتۋىنشا, كٷدٸكتٸ مەن مارقۇم سول كٷنٸ ورتالىق ستاديونعا بارعان, بٸراق بٸر-بٸرٸمەن تانىس بولماعان. جانجال تۋرگەنەۆ كٶشەسٸندەگٸ جاتاقحانا عيماراتىنىڭ ارتىندا تٷنگٸ ساعات ون ەكٸنٸڭ كەزٸندە شىققان. 17 جاستاعى جٸگٸت تاماعىنان پىشاق جاراقاتىن الىپ, وبلىستىق بالالار كلينيكالىق اۋرۋحاناسىندا كٶز جۇمدى.
بەكناز ك-گە 8 تامىزدا, تۋعان كٷنٸندە ايىپتاۋ اكتٸسٸ تاپسىرىلدى. وعان 99-باپتىڭ 9 جەنە 2-بٶلٸگٸ بويىنشا ايىپ تاعىلىپ وتىر. بۇل باپتار بويىنشا 15 جىلدان 20 جىلعا دەيٸن نەمەسە ٶمٸر بويى باس بوستاندىعىنان ايىرۋ جازاسى قاراستىرىلعان.
