اقتٶبە مامانداندىرىلعان اۋدانارالىق سوتى ٶزگە دٸندەگٸلەرگە قارسى قارۋلى جيھاد جاساۋعا ٷگٸتتەگەن قالا تۇرعىندارىنا ٷكٸم شىعاردى. جاناسىل جۇباتوۆ 15 جىلعا, ەلٸبەك ەليەۆ 13 جىلعا باس بوستاندىعىنان ايىرىلدى.
جۇباتوۆ پەن ەليەۆ راديكالدى دٸني اعىمدى ۇستانىپ, دايش يدەولوگيياسىن قولداعان, دەپ ەسەپتەيدٸ تەرگەۋشٸلەر. تانىستارىنا ٶزگە دٸندەگٸلەرگە قارسى تەراكت جاساۋدى ناسيحاتتايتىن ۆيدەوروليكتەردٸ كٶرسەتكەن. جۇباتوۆ "پاللادا" دٷكەنٸنە بارىپ, ٶزٸنە تانىس ساتۋشىدان ماكاروۆ تاپانشاسىنىڭ وعى مەن 16-شى كاليبرلٸ اڭشى مىلتىعىن ساتۋدى سۇراعان.
قىلمىستىق ٸس ماتەريالىندا ولار ەكٸمدٸكتٸڭ 100 قىزمەتكەرٸن قالا سىرتىنا الىپ شىعىپ, ٶلتٸرگٸسٸ كەلگەنٸ ايتىلادى. ويىنداعىسىن ٸسكە اسىرۋ ٷشٸن جۇباتوۆ تانىسىنا ەكٸمدٸككە جۇمىسقا تۇرىپ, قىزمەتكەرلەر جۇمىسقا قاشان كەلٸپ, قاشان كەتەتٸنٸن حابارلاپ وتىرۋدى ۇسىنعان. سونداي-اق ولار ەكسترەميزم تۋرالى ٸستٸ قاراعان سۋديانى ٶلتٸرٸپ, ونىڭ اقشاسىن دايش تەرروريستەرٸنە قوسىلۋ ٷشٸن جولعا جۇمساۋدى جوسپارلاپ قويعان.
جۇباتوۆ پەن ەليەۆ ٶزگە دٸندەگٸلەرگە قارسى قارۋلى جيھاد جاساۋعا ٷگٸتتەگەن. وتاردا ەسكەري بورىشىن ٶتەگەن بٸر تانىسىنان 3 ميلليون تەڭگەگە اۆتومات, گراناتومەت جەنە ٶزگە دە قارۋلاردى ساتىپ الۋعا كٶمەكتەسۋٸن سۇراعان. جارىلعىش قۇرىلعى جاساپ, ۇقكد عيماراتىن جارىپ جٸبەرۋ ايىپتالۋشىلاردىڭ جوسپارىندا بولعان.
سوتتا ەكەۋٸ دە تەرروريزمدٸ ناسيحاتتاپ, ۇلت ارازدىعىن قوزدىرعانىن, لاڭكەستٸك توپتى ۇيىمداستىرىپ, قاتىسقانىن مويىندامادى, دەپ جازدى "دياپازون".
"ٷيدەن قوراپ الىپ شىقتى, وندا بولتتار, گايكالار, تٸستەۋٸك, سيليكون, دەنەكەرلەۋ مايى, سىم بولدى. كەز كەلگەن ەركەك بالكوندا قۇرال-سايمان ۇستايدى, ٷيدە جٶندەۋ جۇمىستارىن جٷرگٸزدٸم. ال ماعان جارىلعىش قۇرىلعىنىڭ كومپونەنتتەرٸن ساقتادى دەگەن ايىپ تاقتى", - دەدٸ سوتتا ەليەۆ.
ٷكٸم شىعارىلعاننان كەيٸن سوتتالعانداردىڭ انالارى جۋرناليستەرگە ۇلدارىنا قىسىم جاساپ, ۇرىپ-سوعىپ, ٸستٸ قولدان جاساعانىن مەلٸمدەدٸ.
"ەكٸمدٸكتٸڭ 100 قىزمەتكەرٸن قالا سىرتىنا الىپ شىقپاقشى بولعان دەپ ايىپتادى. وعان ەكەۋٸنٸڭ شاماسى كەلە مە? مۇنداي ٸسكە بٷتٸن بٸر ەسكەر, اقشا كەرەك. ەگەر مويىنداماساڭ, ەيەلٸڭدٸ 5 جىلعا تٷرمەگە وتىرعىزىپ, بالالارىڭدى بالالار ٷيٸنە جٸبەرەدٸ دەپ ايتقان. ۇلىم قول قويۋعا بەرگەن قاعازىن تٸپتٸ وقىمادىم دا دەيدٸ. ونىڭ ەش كٸنەسٸ جوق, ٷكٸمگە شاعىمدانامىز", - دەيدٸ ەلٸبەك ەليەۆتٸڭ اناسى.
