اقتٶبە وبلىسىنىڭ ەكٸمٸ وڭداسىن ورازالين اۋرۋحانادا جاتقان قاتارداعى جاۋىنگەر ۆاسيليي لاريچەۆتٸڭ جاعدايىن بٸلدٸ, دەپ حابارلايدى قازاقپارات.
قر ۇلتتىق ۇلانى «باتىس» ٶڭٸرلٸك قولباسشىلىعىنىڭ باسپاسٶز حاتشىسى, پودپولكوۆنيك ەربولات سۇلتانوۆتىڭ مەلٸم ەتكەنٸندەي, 6655-ەسكەري بٶلٸمٸنٸڭ ساربازى ۆ.لاريچەۆ اقتٶبەدەگٸ قاقتىعىس كەزٸندە باسىنان اۋىر جاراقات العان بولاتىن.
وبلىستىق اۋرۋحاناعا كەلگەن ٶڭٸر باسشىسى زاڭسىز ميتينگٸ كەزٸندە قىزمەتتەسٸن قورعاپ, باتىلدىق تانىتقان ساربازعا العىسىن بٸلدٸردٸ.
«باتىس» ٶڭٸرلٸك قولباسشىسىنىڭ ورىنباسارى پاۆەل سيتنيكوۆ ەرجٷرەك جاۋىنگەر ۆ.لاريچەۆكە كٷرەڭ كٶكٸرەكشەنٸڭ ايرىقشا بەلگٸسٸن تابىس ەتتٸ.
اقتٶبەدە ەسكەري بورىشىن ٶتەپ جاتقان ۆ.لاريچەۆ – الماتى وبلىسى قاراساي اۋدانى قاسكەلەڭ اۋىلىنىڭ تۋماسى. ول قاقتىعىس كەزٸندە قاتار تۇرعان ساربازدى جاۋىپ ٷلگەرٸپ, ٶزٸ باسىنان اۋىر جاراقات الىپ, جەدەل جەردەممەن اۋرۋحاناعا جەتكٸزٸلگەن.
اقتٶبەدەگٸ 6655-ەسكەري بٶلٸمٸنٸڭ جەكە قۇرامى 5 قاڭتار كٷنٸ وبلىس ەكٸمدٸگٸ عيماراتىن قورعاعان بولاتىن.
قازٸرگٸ كەزدە وبلىستا جاعداي تۇراقتى. دەگەنمەن پوليتسييا مەن ۇلتتىق ۇلان جاۋىنگەرلەرٸ قالا كٶشەلەرٸندە قوعامدىق تەرتٸپتٸ قامتاماسىز ەتۋدە. ٶڭٸردە كومەندانتتىق ۋاقىت (23.00-دەن تاڭعى 07.00-گە دەيٸن) كٷشٸندە.
