بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا اقتٶبە وبلىسىنىڭ ەكٸمٸ وڭداسىن ورازالين ٶڭٸر ورتالىعىندا قۋراپ قالعان 1 ملن تٷپ اعاشقا قاتىستى پٸكٸر بٸلدٸردٸ, دەپ حابارلايدى قازاقپارات.
«اعاش ەگۋ, مەنٸڭشە جاقسى ٷردٸس, تٷزۋ نيەت. بٸراق ونى ٸسكە اسىرۋدا كەمشٸلٸكتەر بولۋى مٷمكٸن. بٸزدٸڭ الدىمىزدا ٸستەگەن ەرٸپتەستەرٸم جاقسى نيەتپەن اقتٶبەگە بٸرنەشە مىڭ اعاش ەكسە, ونى تولىق قولداۋ كەرەك. الايدا, اقتٶبەنٸڭ بٸر پروبلەماسى – سۋارۋ. اعاش ەگۋمەن قاتار سۋارۋدى دا تولىق قامتاماسىز ەتۋ قاجەت. قازٸر سونىمەن اينالىسىپ جاتىرمىز. تيٸستٸ شارالاردى قولدانۋدى جوسپارلاپ وتىرمىز», - دەدٸ ٶڭٸر باسشىسى.
وسى ورايدا باق ٶكٸلدەرٸ اقتٶبە قالاسىنىڭ جاسىل جەلەگٸن تٷگەندەۋ جۇمىسىنا رەسەيلٸك مامانداردىڭ تارتىلۋى سەبەبٸن سۇراعان ەدٸ.
«بٸرٸنشٸدەن – زاڭعا, ەكٸنشٸدەن – مامانداردىڭ پٸكٸرٸنە سٷيەنۋٸمٸز قاجەت. ال ەندٸ ولاردىڭ رەسەيدەن نە قازاقستاننان بولاتىندىعىن قالا ەكٸمدٸگٸ شەشٸپ وتىر. بٸز بٸرنەشە پٸكٸردٸ تىڭداۋىمىز كەرەك. كٶرشٸلەرٸمٸز بۇل رەتتە ٷلكەن جەتٸستٸككە جەتسە, تەجٸريبەسٸن الۋدىڭ ەش ايىبى جوق. ەككەن اعاشتاردىڭ قۋراپ قالعانى ٶكٸنٸشتٸ جاعداي. سول قالادا دٷنيەگە كەلگەننەن سوڭ, مەنٸڭ دە جانىم اشيدى. قولىمنان كەلگەنشە وسى مەسەلەنٸ شەشۋگە, اتسالىسۋعا دايىنمىن», - دەدٸ و.ورازالين.
ەسكە سالساق, اقتٶبە ٶڭٸرٸندە 2017 جىلى وتىرعىزىلعان 1 ميلليون تٷپ كٶشەت سۋارىلماي, قۋراپ قالعان بولاتىن. بۇل ٷشٸن بيۋدجەتتٸڭ 70 ميلليون تەڭگەدەن استام قارجىسى جۇمسالدى.
