اقتٶبە وبلىسىندا 3 حالىقارالىق ٶتكٸزۋ بەكەتٸ اشىلادى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا اقتٶبە وبلىسىنىڭ ەكٸمٸ وڭداسىن ورازالين ايتتى, دەپ حابارلايدى قازاقپارات.
«وبلىستاعى ٶزەكتٸ مەسەلەلەردٸڭ بٸرٸ - جول. سوندىقتان بيىل وسى مەسەلەنٸ شەشۋ, جەرگٸلٸكتٸ جولداردى دامىتۋ ٷشٸن بٶلٸنەتٸن قاراجات 1,3 ەسە ٶستٸ. قازٸرگٸ تاڭدا 43,6 ملرد تەڭگە بٶلٸندٸ. بۇل 500 شاقىرىمنان استام جەرگٸلٸكتٸ جولدى جٶندەۋگە مٷمكٸندٸك بەرەدٸ. كەلەسٸ جىلى «اقتٶبە-قاندىاعاش», «اقتٶبە-ورسك» جولدارىن جٶندەۋ جوسپارلانىپ وتىر. ونىڭ ٷستٸنە اقتٶبە قالاسىنىڭ باتىس اينالما جولى تولىق اياقتالادى, كٶپٸر پايدالانۋعا بەرٸلٸپ, سىرتتان كەلەتٸن كٶلٸكتەردٸڭ قالاعا كٸرمەي سىرت اينالىپ كەتۋٸنە تولىق مٷمكٸنشٸلٸك بولادى», - دەدٸ ٶڭٸر باسشىسى.
سونىمەن قاتار وبلىس ەكٸمٸ «اقتٶبە-حرومتاۋ-قارابۇتاق-ۇلعايسىن», «ورتالىق-باتىس» جولدارىن سالۋعا ٷكٸمەت قولداۋ بٸلدٸرٸپ وتىرعانىن ايتتى.
«بۇل - ٶزەكتٸ مەسەلەلەردٸڭ بٸرٸ. سەبەبٸ اقتٶبەنٸڭ ەرەكشە كٶلٸكتٸك-لوگيستيكالىق ەلەۋەتٸ بار. ەلباسى باستاماسىمەن «باتىس ەۋروپا - باتىس قىتاي» دەلٸزٸ تولىق ٸسكە قوسىلدى. ونىڭ ٷستٸنە وڭتٷستٸك كٶرشٸمٸزدٸڭ (ٶزبەكستان) قارقىندى دامىپ, وسى جولداردى پايدالانۋىنىڭ ارقاسىندا اقتٶبە وبلىسىنىڭ ەكونوميكالىق ەلەۋەتٸ كٶلٸك-لوگيستيكا سالاسىندا ەرەكشە ٶستٸ. سەبەبٸ اقتٶبە - قازاقستان بويىنشا وڭتٷستٸك جاعىنان دا, سولتٷستٸك جاعىنان دا شەكاراسى بار جالعىز وبلىس. باتىس قىتايدان بولسىن, ورتالىق ازييادان بولسىن جٷك اقتٶبە وبلىسىنىڭ اۋماعىنان ٶتەدٸ. وبلىس اۋماعى ارقىلى جٷك تاسىمالىنىڭ ارتقانى قۋانتادى. دەگەنمەن, جول ينفراقۇرىلىمىن دامىتۋعا ەرەكشە نازار اۋدارۋدى تالاپ ەتەدٸ. وسىعان بايلانىستى ٷكٸمەت تاراپىنان تولىق قولداۋ بار», - دەدٸ و.ورازالين.
مۇنان بٶلەك ول ترانزيتتٸك ەلەۋەتتٸ دامىتۋ اياسىندا وبلىستا ٷش حالىقارالىق ٶتكٸزۋ بەكەتٸن اشۋ مەسەلەسٸ پىسىقتالىپ جاتقانىن ايتتى.
«رەسەيمەن شەكارادا جۇمىس ٸستەپ تۇرعان «ەيتەكە بي - رف سويۋزنىە» جەنە «جيرەنقوپا - بٸرٸنشٸ مامىر» بەكەتتەرٸنٸڭ مەرتەبەسٸن, ٶزبەكستانمەن شەكاراداعى بوزوي اۋىلى جاعىنداعى بەكەتتٸ حالىقارالىق دەڭگەيگە كٶتەرۋدٸ جوسپارلاپ وتىرمىز», - دەدٸ وبلىس ەكٸمٸ.
