«اقتٶبە وبلىسىندا «ورامال داۋىنا» وراي بالالارى مەكتەپكە بارماي وتىرعان ون اتا-انانىڭ ەرقايسىنا 12025 تەڭگەدەن ايىپپۇل سالىندى» دەپ حابارلادى ازاتتىققا اقتٶبە وبلىسىنىڭ بٸلٸم سالاسىنداعى باقىلاۋ دەپارتامەنتٸنٸڭ ديرەكتورى جاننا قايشىعۇلوۆا. ونىڭ سٶزٸنشە, ايىپپۇل سالۋ ٷشٸن تاعى ەكٸ اتا-انانىڭ قۇجاتتارى ەزٸرلەنٸپ جاتىر.
- ون ادامعا بەس ايلىق ەسەپتٸك كٶرسەتكٸشكە (اەك – رەد.) تەڭ ايىپپۇل سالىندى. ولار ەكٸمشٸلٸك قۇقىق بۇزۋشىلىق كودەكسٸنٸڭ 409-بابىنىڭ 2-تارماعىندا كٶرسەتٸلگەن («اتا-انالاردىڭ نەمەسە ٶزگە دە زاڭدى ٶكٸلدەردٸڭ بٸلٸم بەرۋ زاڭناماسىندا كٶزدەلگەن مٸندەتتەردٸ ورىنداماۋى نەمەسە تيٸسٸنشە ورىنداماۋى») زاڭنامانى بۇزدى دەپ ايىپتالىپ وتىر. اتا-انالار «يە, بٸز مەكتەپ فورماسىن بۇزعانىمىزدى مويىندايمىز, بالانى ساباققا جٸبەرەمٸز» دەگەندە ەسكەرتۋمەن شەكتەلگەن بولار ەدٸك. بٸراق ولار ايتقاندارىنان قايتپاي قويدى. ەندٸ ولار بٸر اي ارالىعىندا ايىپپۇلدى تٶلەۋگە مٸندەتتٸ. ەندٸ بٸر جىل ٸشٸندە بۇل جاعداي قايتالانار بولسا, ەكٸنشٸ رەت 20 اەك-كە تەڭ (48100 تگ) ايىپپۇل سالىنادى, – دەيدٸ جاننا قايشىعۇلوۆا.
اقتٶبە وبلىسىنىڭ بٸلٸم سالاسىنداعى باقىلاۋ دەپارتامەنتٸنٸڭ دەرەگٸنشە, ەكٸمشٸلٸك جاۋاپقا تارتىلعان ون اتا-انانىڭ ٷشەۋٸ شالقار قالاسىندا تۇرادى. شالقارلىق بالالار وقۋ جىلىنىڭ ەكٸنشٸ توقسانىنان بەرٸ مەكتەپكە بارماعان. ولاردىڭ اتا-انالارىنا ايىپپۇل بيىل 19 قاڭتار كٷنٸ سالىنىپ, 30 قاڭتار كٷنٸ زاڭدى كٷشٸنە ەنگەن.
شالقارلىقتاردان كەيٸن ايىپپۇل سالىنعان ٷش اتا-انا قارعالى اۋدانىنىڭ پەتروپاۆلوۆكا اۋىلىندا, تٶرتەۋٸ حرومتاۋ قالاسىندا تۇرادى. بٸلٸم بەرۋ زاڭناماسىندا كٶزدەلگەن مٸندەتتەردٸ ورىندامادى دەپ ايىپتالىپ, قۇجاتتارى ەزٸرلەنٸپ جاتقان ەكٸ اقتٶبەلٸكتٸڭ بالالارى وبلىس ورتالىعىنداعى №52 جەنە 55 مەكتەپتٸڭ وقۋشىلارى.
اقتٶبە سوتى 1 اقپان كٷنٸ تۇرعىنداردىڭ «ورامال داۋىنا» قاتىستى №40 جەنە 49 مەكتەپ ديرەكتورلارىنىڭ ٷستٸنەن تٷسٸرگەن ەكٸ شاعىمى تالابىن ورىنداۋدان باس تارتقان. 2 اقپان كٷنٸ №23 مەكتەپكە قاتىستى شاعىم دا قاناعاتتاندىرىلمادى. قالالىق سوتتىڭ قاراۋىندا ورامال داۋىنا قاتىستى ەلٸ ٷش ٸس بار.
اقتٶبە وبلىستىق دٸن ٸستەرٸ دەپارتامەنتٸنٸڭ دەرەگٸنشە, وقۋ جىلىنىڭ ٷشٸنشٸ توقسانى باستالعالى وبلىستا ورامال تارتاتىن كەم دەگەندە 177 قىز بالا مەكتەپكە بارا الماي وتىر.
