"اقتٶبەنٸڭ كٶشەلەرٸندە «اللاحۋ اكبار» دەگەن جازۋلار قاپتاپ كەتتٸ. وعان قوسا سۋىق قارۋدىڭ سالىنعان سۋرەتٸمەن بٸرگە "اللا ۇلىق", "اللا بٸزبەن بٸرگە" دەگەن سٶزدەر ەر ٷيدٸڭ قابىرعالارىنا جازىلعان. حالىقپەن بٸرگە بۇل جاعدايعا يمامدار دا الاڭداپ وتىر", - دەپ حابارلايدى ۇلت.كز تٸلشٸسٸ 31-ارناعا سٸلتەمە جاساپ.
اقتٶبەدە "اللاحۋ اكبار" دەگەن ۇرانمەن جازۋلار پايدا بولا باستادى. ەسٸرەسە قالامىزداعى شانحاي اۋدانىنداعى ەر ٷيدٸڭ بۇرىشىنان "اللا ۇلىق", "اللا بار" جەنە "اللا قاشاندا بٸزبەن بٸرگە" دەگەن كٶرۋگە بولادى. وعان قوسا قاستارىنا مىلتىقتىڭ سۋرەتتەرٸن تاعى سالعان. سولاردىڭ بٸرٸ مٸنە مىنا جەر.
بٸرنەشە تەراكتتٸ باستان ٶتكەرگەن اقتٶبەلٸك تۇرعىندار دا ٷي ماڭىنداعى جازۋلاردى كٶرگەندە زەرەمٸز قالمايدى, تٸپتٸ ويىن الاڭدارىنا بالا جٸبەرۋدەن قورقامىز,- دەيدٸ.
- نەشە تٷرلٸ ادامدار بار عوي قازٸر, بٷركەگەنٸ بار, بٷركەمەگەنٸ بار, سولاردان قورقامىز. بالانىڭ ارتىنان ەكٸ ادام جٷرەدٸ.
بۇل جازۋلاردى كٸم, نە ٷشٸن جازعانى ەزٸرشە جۇمباق. جاعداي يمامداردى دا الاڭداتىپ وتىر. "اللاحۋ اكبار" دەگەن جازۋدا تۇرعان ەشتەڭە جوق, ال سۋىق قارۋدان قورقۋعا بولادى, بۇل جاقسى نىشان ەمەس دەيدٸ,- دٸن تانۋشىلار.
نۇرلىبەك شاكيزاداۇلى, دٸنتانۋشى:
- كەيبٸر بٸلٸمسٸز باۋىرلارىمىز سول جەرگە قىزىق كٶرٸپ نەمەسە ٸشٸندەگٸ جاڭاعى ەموتسيياسىن ٸشٸندەگٸ سەزٸمٸن حالىقپەن بٶلٸسكەسٸ كەلٸپ, سول جەرگە جازۋى مٷمكٸن. بٸراق مەنٸڭ ۋايىمداپ تۇرعان نەرسەم, بۇل جەردەگٸ دۇرىس ەمەس نەرسە اللاحۋ اكبار دەگەن سٶزدٸڭ قاسىندا قارۋدىڭ تۇرۋى. بۇل جاقسى بەلگٸ ەمەس.
بٸراق بٸزدٸڭ تٷسٸرٸلٸم توبى بارعانشا جازۋلاردىڭ ٷستٸ بوياۋمەن سىرلانىپ تاستالىپتى. پوليتسييا قىزمەتكەرلەرٸ ەرتەمەن كەلٸپ, جازۋدى ٶشٸرۋدٸ تاپسىرىپتى.
ال, تۇرعىندارعا جازۋدى ٶشٸرۋگە تاپسىرما بەرگەن تەرتٸپ ساقشىلارى بۇل جاعداي جٶنٸندە بٸزگە جاۋاپ بەرۋدەن باس تارتتى.
