"Aqtóbeniń kóshelerinde «Allahý Akbar» degen jazýlar qaptap ketti. Oǵan qosa sýyq qarýdyń salynǵan sýretimen birge "Alla ulyq", "Alla bizben birge" degen sózder ár úidiń qabyrǵalaryna jazylǵan. Halyqpen birge bul jaǵdaiǵa imamdar da alańdap otyr", - dep habarlaidy Ult.kz tilshisi 31-arnaǵa silteme jasap.
Aqtóbede "Allahý Akbar" degen uranmen jazýlar paida bola bastady. Ásirese qalamyzdaǵy Shanhai aýdanyndaǵy ár úidiń buryshynan "Alla ulyq", "Alla bar" jáne "Alla qashanda bizben birge" degen kórýge bolady. Oǵan qosa qastaryna myltyqtyń sýretterin taǵy salǵan. Solardyń biri mine myna jer.
Birneshe teraktti bastan ótkergen aqtóbelik turǵyndar da úi mańyndaǵy jazýlardy kórgende záremiz qalmaidy, tipti oiyn alańdaryna bala jiberýden qorqamyz,- deidi.
- Neshe túrli adamdar bar ǵoi qazir, búrkegeni bar, búrkemegeni bar, solardan qorqamyz. Balanyń artynan eki adam júredi.
Bul jazýlardy kim, ne úshin jazǵany ázirshe jumbaq. Jaǵdai imamdardy da alańdatyp otyr. "Allahý Akbar" degen jazýda turǵan eshteńe joq, al sýyq qarýdan qorqýǵa bolady, bul jaqsy nyshan emes deidi,- din tanýshylar.
Nurlybek Shakizadauly, Dintanýshy:
- Keibir bilimsiz baýyrlarymyz sol jerge qyzyq kórip nemese ishindegi jańaǵy emotsiiasyn ishindegi sezimin halyqpen bóliskesi kelip, sol jerge jazýy múmkin. Biraq meniń ýaiymdap turǵan nársem, bul jerdegi durys emes nárse Allahý Akbar degen sózdiń qasynda qarýdyń turýy. Bul jaqsy belgi emes.
Biraq bizdiń túsirilim toby barǵansha jazýlardyń ústi boiaýmen syrlanyp tastalypty. Politsiia qyzmetkerleri ertemen kelip, jazýdy óshirýdi tapsyrypty.
Al, turǵyndarǵa jazýdy óshirýge tapsyrma bergen tártip saqshylary bul jaǵdai jóninde bizge jaýap berýden bas tartty.
