28 مامىر كٷنٸ اقتٶبە حروم قوسىندىلارى زاۋىتىنداعى جۇمىس بارىسىندا تٶرت جۇمىسشى قازا تاۋىپ, ەكەۋٸ اۋرۋحاناعا تٷستٸ. اۋرۋحانادا جاتقان ەكٸ جۇمىسشىنىڭ جاعدايى ٶتە اۋىر. بۇل تۋرالى اقتٶبە وبلىستىق دەنساۋلىق ساقتاۋ باسقارماسى مەن ەڭبەك ينسپەكتسيياسى حابارلادى.
وقىس وقيعا تٷس اۋا حروم قوسىندىلارى زاۋىتىنىڭ №4 تسەحىندا بولعان.
وبلىستىق ەڭبەك ينسپەكتسيياسى باسشىسىنىڭ ورىنباسارى باۋىرجان ورازاەۆتىڭ ازاتتىققا ايتۋىنشا, ٶندٸرٸستە قولدانىلاتىن باكتىڭ ٸشٸندەگٸ حيمييالىق قالدىقتى تازالاپ جاتقاندا بٸر جۇمىسشى كٷيٸپ قالعان. ونى قۇتقارماق بولىپ, بەس جۇمىسشى باكقا تٷسكەن. بارلىعى تەرمييالىق كٷيٸك العان. تٶرتەۋ قازا بولىپ, ەكەۋٸ اۋرۋحاناعا جاتقىزىلدى.
اۋرۋحانادا جاتقان ەكٸ جۇمىسشىنىڭ دا بەتٸ, موينى مەن قول-اياعى كٷيگەن. تىنىس الۋ جولدارى بٷلٸنٸپ, كٷيٸكتەن شوك العان. اۋرۋحاناعا ٶتە اۋىر حالدە جاتقان جۇمىسشىلاردىڭ بٸرٸ – 32 جاستا, ەندٸ بٸرٸ – 36 جاستا.
اقتٶبە وبلىستىق پوليتسييا دەپارتامەنتٸنە حابار جەرگٸلٸكتٸ ۋاقىتپەن ساعات 13:20-دا تٷسكەن.
«جۇمىسشىلار تاڭەرتەڭ 50 تەكشە مەتر بولاتىن باكتٸ تازارتقان. كەيٸن بٸرەۋٸ اقاۋدى كٶرٸپ, ٸشٸنە كٸرەدٸ. شىقپاعان سوڭ تاعى ٷشەۋٸ تٷسكەن. تٶرتەۋٸ وقيعا ورنىندا كٶز جۇمدى. ەكٸ ادام جەدەل جەردەم اۋرۋحاناسىنا جەتكٸزٸلدٸ. اتالعان فاكتٸ بويىنشا وبلىستىق پوليتسييا دەپارتامەنتٸ قىلمىستىق كودەكستٸڭ «ابايسىزدا ەكٸ جەنە ودان دا كٶپ ادامنىڭ ٶلٸمٸنە ەكەپ سوققان قاۋٸپسٸزدٸك تەحنيكاسىن بۇزۋ» بابى بويىنشا تەرگەۋ باستالدى. ٸستٸڭ مەن-جايى انىقتالۋدا», - دەدٸ وبلىستىق پوليتسييا دەپارتامەنتٸنٸڭ باسشىسى اتىعاي ارىستانوۆ.
حروم قوسىندىلارىن – ناتريي مونوحروماتى, ناتريي بيحروماتى, حروم انگيدريدٸ, حروم توتىعى, حروم مالماسى جەنە كٷكٸرتتٸ ناتريي – ٶندٸرەتٸن زاۋىت اقتٶبە قالاسى اۋماعىندا ورنالاسقان. ول - ٶنٸمٸ ەلەمنٸڭ وتىزدان استام ەلٸنە شىعارىلاتىن ٷلكەن كەسٸپورىن.
