اقتاۋ تۇرعىنى نەمەرە اعاسىنىڭ مەيٸتٸ زاڭسىز ەكسگۋماتسييالانعانىن ايتتى. ونىڭ سٶزٸنشە, سالتتىق قىزمەت كٶرسەتەتٸن اگەنتتٸك قىزمەتكەرٸ مارقۇم بولعان اعاسىنىڭ قابٸرٸن قازىپ, دەنەسٸن باسقا زيراتقا جەرلەگەن. ەندٸ يۋريي كونوۆالوۆ كٸنەلٸلەر جاۋاپكەرشٸلٸكتەن قۇتىلىپ كەتەدٸ دەپ قورقىپ وتىر.
بۇل تۋرالى جەرگٸلٸكتٸ "لادا" باسىلىمى جازدى, دەپ حابارلايدى Sputnik اگەنتتٸگٸ.
كەلەڭسٸز جاعداي 2020 جىلدىڭ 15 شٸلدەسٸندە بولعان. سول كٷنٸ يۋريي كونوۆالوۆ نەمەرە اعاسى ولەگ رومانوۆتى ونىڭ اناسى تامارا رومانوۆانىڭ بەيٸتٸنٸڭ جانىنا جەرلەگەن.
"نەمەرە اعامنىڭ قايتىس بولعانىن ونىڭ وتباسىنا, باكۋدە تۇراتىن ۇلدارعا حابارلادىم. ولاردان جەرلەۋ قۇقىعى تۋرالى نوتاريۋس راستاعان قۇجات العاننان كەيٸن جەرلەۋدٸ ۇيىمداستىرا باستادىم. مارقۇمدى جەرلەۋ ٷشٸن ەكٸ قالالىق اگەنتتٸككە جٷگٸندٸم. سول ارالىقتا مەسكەۋدە تۇراتىن ەپكەم يرينا حاسانوۆا نەمەرە اعام ٷشٸن جەرلەۋ ورنىن قالادان تىس جەردە ورنالاسقان جاڭا زيراتتا دايىنداپ قويعانىن بٸلدٸم. ەرينە, مەن بۇعان كەلٸسپەدٸم, سەبەبٸ ۇلى قالالىق زيراتتاعى اناسىنىڭ جانىندا جەرلەنۋٸ كەرەك", - دەيدٸ ول.
ايتۋىنشا, ٶزٸ ەپكەسٸمەن جەتٸ جىلدان بەرٸ ارالاسپايدى. ال ونىڭ نەمەرە اعاسىنا ارناپ زيرات دايىنداعانى اقتاۋلىقتى تاڭعالدىرعان. سودان كەيٸن قابٸر قازۋ بويىنشا بريگادا جالداعان.
"مەيٸتحانادا مارقۇمنىڭ جەرلەۋگە رەسمي قۇجات العاننان كەيٸن, سول بريگادامەن بٸرگە زيراتقا كەلدٸم. وسىلايشا 2020 جىلدىڭ 15 شٸلدەسٸندە جەرلەدٸك. سودان ٷش ساعات ٶتكەن سوڭ زيرات ديرەكتورى ماعان حابارلاسىپ, اعامنىڭ قابٸرٸ قايتا قازىلعانىن ايتتى. وسى جەرگە كەلگەن سوڭ جەرلەۋ ورنىنا تٶسەلگەن تاس جوق ەكەنٸن, ال قابٸر ٷستٸ قۇمعا تولعانىن كٶردٸم. سول جەردەن كەتپەي تۇرعانىمدا زيرات قىزمەتكەرٸ نە بولعانىن ايتتى. ول جەرلەۋ اگەنتتٸگٸنٸڭ قىزمەتكەرلەرٸ مارقۇمنىڭ دەنەسٸن الىپ, زيراتتان تىس جەرگە شىعارعانىن جەتكٸزدٸ", - دەيدٸ يۋريي كونوۆالوۆ.
ەر ادام بٸردەن اقتاۋ پروكۋراتۋراسىنا ارىز جازعان. مەيٸتتٸ زاڭسىز ەكسگۋماتسييالاۋ فاكتٸسٸ بويىنشا قىلمىستىق كودەكسٸنٸڭ 314-بابىنىڭ 1-بٶلٸگٸ ("ٶلگەن ادامنىڭ مەيٸتٸن جەنە ولار جەرلەنگەن ورىندارىن قورلاۋ") بويىنشا قىلمىستىق ٸس قوزعالدى. سودان كەيٸن قىلمىس دەرەگٸ بويىنشا قاجەتتٸ تەرگەۋ جٷرگٸزٸلگەن.
كونوۆالوۆ تەرگەۋ بارىسىندا سالتتىق قىزمەت كٶرسەتەتٸن اگەنتتٸك ديرەكتورىنىڭ نۇسقاۋى بويىنشا رومانوۆتىڭ بەيٸتٸ قازىلىپ, مەيٸتٸ اقتاۋ ماڭىندا ورنالاسقان زيراتقا قايتا جەرلەنگەنٸ انىقتالعانىن ايتتى.
"مەنٸ شاتاستىرۋ ماقساتىندا اعامدى بٸرٸنشٸ جەرلەگەن جەرگە اگەنتتٸك ديرەكتورىنىڭ نۇسقاۋى بويىنشا كرەست ورناتىلعان. وسىلايشا قايتىس بولعان ادامنىڭ دەنەسٸ وسى جەردە دەپ كٶرسەتكٸسٸ كەلگەن. سالتتىق قىزمەت كٶرسەتەتٸن اگەنتتٸك ديرەكتورىنىڭ ٸس-ەرەكەتتەرٸ ەشقانداي لوگيكا مەن مورالدىق ەرەجەگە ساي ەمەس. ونىڭ نە سەبەپتٸ وسىلاي ٸستەگەنٸن ەلٸ كٷنگە دەيٸن تٷسٸنبەدٸم", - دەيدٸ ول.
ەندٸ يۋريي كونوۆالوۆ كٷدٸكتٸلەر جاۋاپكەرشٸلٸكتەن قۇتىلىپ كەتەدٸ دەپ قورقىپ وتىر.
"سودان بەرٸ بٸر جىل ٶتتٸ, ٸس ورنىنان قوزعالعان جوق. ٸستٸڭ سىبايلاس جەمقورلىققا بايلانىستى توقتاپ تۇرعانىنا سەنٸمدٸمٸن. قىلمىسقا قاتىسى بار ادامدار انىقتالدى, كۋەگەر بار. بٸراق ٸس بٸر جىلدان استام ۋاقىت بويى سوتقا تاپسىرىلمادى. تەرگەۋ بٸر ورنىندا تۇر, تٸپتٸ ٸستٸ جاپقىسى كەلەدٸ", - دەپ جانايقايىن جەتكٸزدٸ ەر ادام.
ايتۋىنشا, وسى ۋاقىتقا دەيٸن ول بٸرنەشە رەت پروكۋراتۋراعا ارىز جازعان. ال ماڭعىستاۋ وبلىسى پروكۋراتۋراسىنىڭ باسپاسٶز قىزمەتٸ ٸس بويىنشا ناقتى اقپارات الۋ ٷشٸن ارنايى سۇرانىسحات جٸبەرۋ قاجەت ەكەنٸن جەتكٸزدٸ.
