اقتاۋ قالاسىندا دزيۋدودان ەرلەر مەن ەيەلدەر اراسىنداعى قازاقستان چەمپيوناتى مەرەگە جەتتٸ, دەپ حابارلايدى "ۇلت اقپارات".
قازاقستان دزيۋدو فەدەراتسيياسى مەلٸم ەتكەنٸندەي, جارىستىڭ سوڭعى كٷنٸ تٶرت سالماقتا مىقتىلار بەلگٸلٸ بولدى.
ەيەلدەر اراسىندا 78 كگ سالماقتا فينالدا شىعىسقازاقستاندىق نازەركە تٸلەۋحانوۆانى ۇتقان الماتىلىق زارينا رايفوۆا جەڭٸمپاز اتاندى. تاعى بٸر الماتىلىق مادينا پاراگۋلگوۆا مەن اقتٶبەلٸك ايالا مەرەكەگە قولا جٷلدە بۇيىردى.
اسا اۋىر سالماقتا (+78 كگ) الماتى وبلىسىنىڭ ٶكٸلٸ كاميلا بەرلٸقاش ٷزدٸك شىعىپ, وسىمەن ەكٸنشٸ رەت ەل چەمپيونى اتاندى. سولتٷستٸكقازاقستاندىق نازگٷل ماراتوۆا ەكٸنشٸ, الماتىلىق اقەركە رامازانوۆا مەن قىزىلوردالىق نۇرعانىم تۇرشابەك ٷشٸنشٸ ورىنعا كٶتەرٸلدٸ.
ەرلەر اراسىندا 100 كگ سالماقتا قاراعاندىلىق يسلام بوزباەۆ توپ جاردى. بۇعان دەيٸن 90 كگ سالماقتا تاتاميگە شىعىپ جٷرگەن ۇلتتىق قۇراما مٷشەسٸ فينالدا قىزىلوردالىق ايبەك سەرٸكباەۆتان ايلاسىن اسىردى. اتىراۋلىق ارمان قاليەۆ پەن پاۆلودارلىق سەرٸك سەلمەنوۆ قولا مەدالدٸ قاناعات تۇتتى.
اسا اۋىر سالماقتا (+100 كگ) فينالدا شىعىسقازاقستاندىقتار ەدٸل ورازباەۆ پەن ەراسىل قاجىباەۆ باس جٷلدەنٸ ساراپقا سالدى. ەدٸل جارىس فاۆوريتٸ سانالعان ەراسىلدى يپپونمەن ۇتىپ, چەمپيوندىق اتاقتى جەڭٸپ الدى. جامبىلدىق عالىمجان قىرىقباي مەن قىزىلوردالىق ەلامان ەرعاليەۆ قولا جٷلدەگە قول جەتكٸزدٸ.
وسىلايشا اقتاۋدا تٶرت كٷنگە سوزىلعان ەل بٸرٸنشٸلٸگٸ تەمامدالىپ, بارلىق سالماقتا جەڭٸمپاز-جٷلدەگەرلەر انىقتالدى.
