© Sputnik / تابىلدى كادىربەكوۆ
اقتاۋ قالاسىندا پوليتسەيلەر جۇرتتىڭ كٶزٸنشە ەيەلٸن ۇرعان ەر ادامدى ٸزدەۋگە كٸرٸستٸ. كۋەگەرلەر وقيعا ورنىندا تٷسٸرگەن ۆيدەونى Lada.kz پورتالىنىڭ رەداكتسيياسىنا جٸبەرگەن, دەپ حابارلايدى Sputnik قازاقستان.
بەينەجازبادا ەر ادام ەيەلدٸ جەردەن كٶتەرۋگە تىرىسىپ جٷر. ودان كەيٸن قولىنان تارتادى. كەلٸنشەك باسىن كٶتەرگەندە بەتٸنەن بٸر ۇرادى. سوسىن باستان بٸرنەشە رەت سوققى جاسايدى. جەلكەسٸنەن دە, قولىنان دا تارتادى. ارتىنشا تۇرعىزىپ, ارقاسىنان يتەرٸپ, الىپ كەتەدٸ.
ماڭعىستاۋ وبلىستىق پوليتسييا دەپاراتمەنتٸ ۇسىنعان اقپاراتقا سەيكەس, ۆيدەو اقتاۋ قالاسىندا 13-شٸ شاعىن اۋدانىنداعى 48 ٷيدىڭ الدىندا تٷسٸرٸلگەن. پوليتسەيلەر ۆيدەونى زەردەلەۋگە كٸرٸستٸ.
"وسى وقيعا بويىنشا 102 پۋلتٸنە حابار تٷسكەن جوق. پوليتسيياعا ەشكٸم ارىزدانبادى. دەگەنمەن, ۆيدەو زەردەلەنٸپ جاتىر. ۋچاسكەلٸك پوليتسەيلەر ول ادامداردى انىقتاۋعا كٸرٸستٸ", - دەيدٸ دەپارتامەنت ماماندارى.
