© Sputnik / Tabyldy Kadyrbekov
Aqtaý qalasynda politseiler jurttyń kózinshe áielin urǵan er adamdy izdeýge kiristi. Kýágerler oqiǵa ornynda túsirgen videony Lada.kz portalynyń redaktsiiasyna jibergen, dep habarlaidy Sputnik Qazaqstan.
Beinejazbada er adam áieldi jerden kóterýge tyrysyp júr. Odan keiin qolynan tartady. Kelinshek basyn kótergende betinen bir urady. Sosyn bastan birneshe ret soqqy jasaidy. Jelkesinen de, qolynan da tartady. Artynsha turǵyzyp, arqasynan iterip, alyp ketedi.
Mańǵystaý oblystyq politsiia deparatmenti usynǵan aqparatqa sáikes, video Aqtaý qalasynda 13-shi shaǵyn aýdanyndaǵy 48 úidyń aldynda túsirilgen. Politseiler videony zerdeleýge kiristi.
"Osy oqiǵa boiynsha 102 pýltine habar túsken joq. Politsiiaǵa eshkim aryzdanbady. Degenmen, video zerdelenip jatyr. Ýchaskelik politseiler ol adamdardy anyqtaýǵa kiristi", - deidi departament mamandary.
