سولتٷستٸك قازاقستان وبلىسى اڭشىلىق تۋريزم ٷشٸن تارتىمدى. بۇل تۋرالى قازاقستان مەن رەسەيدٸڭ ٶڭٸرارالىق ىنتىماقتاستىعىنىڭ XV فورۋمىندا قر مەدەنيەت جەنە سپورت مينيسترٸ ارىستانبەك مۇحامەديۇلى مەلٸم ەتتٸ, دەپ حابارلايدى قازاقپارات.
«كاسپيي تەڭٸزٸندەگٸ تۋريزمدٸ دامىتۋ ٷشٸن بيىل تامىزدا اقتاۋدا ٶتكەن كاسپيي ماڭى مەملەكەتتەرٸنٸڭ تاريحي سامميتٸ ەلەۋلٸ ٷلەس قوستى. اقتاۋ سامميتٸ بارىسىندا مەملەكەت باسشىلارى كاسپيي تەڭٸزٸ اۋماعىن دامىتۋ ەلەۋەتٸنە قاتىستى ۇسىنىستارىن ايتتى. وسى ورايدا اتالعان ايماقتا ترانسشەكارالىق تەڭٸز كرۋيزدەرٸ تۋريستەر ٷشٸن اسا تارتىمدى بولادى», - دەپ توقتالدى ا. مۇحامەديۇلى.
ونىڭ سٶزٸنە قاراعاندا, جاقىندا ورنالاسقان ٸرٸ حالىقارالىق پورتتار تٷركٸمەنستاندا, ەزەربايجاندا, يراندا ەكەنٸن ەسكەرە وتىرىپ, تەڭٸز ينفراقۇرىلىمىن جاڭارتۋ قاجەتتٸلٸگٸ بار. بۇل رەتتە ەكٸ ەل اۋماعىندا تەڭٸز پورتتارىنىڭ جاڭا جولاۋشىلار تەرمينالدارىن اشۋ كەرەك.
«نۇرسۇلتان ەبٸشۇلى, سٸزدٸڭ تاپسىرماڭىز بويىنشا ماڭعىستاۋ وبلىسىندا ەلەمدٸك ستاندارتتارعا ساي جاعاجاي دەمالىس ايماقتارىن قۇرۋ جۇمىستارى باستالدى», - دەدٸ مينيستر.
بۇدان بٶلەك ا. مۇحامەديۇلى سولتٷستٸك قازاقستان وبلىسى ٶزٸنٸڭ بٸرەگەي قورىقتىق ايماقتارىمەن ەكولوگييالىق ەرٸ اڭشىلىق تۋريزم ٷشٸن تارتىمدى ەكەنٸن اتاپ ٶتتٸ.
«ەلەمدٸك ٷزدٸك تەجٸريبەگە سٷيەنە وتىرىپ, ۇلتتىق تابيعي پاركتەر مەن قورىقتار بارىنشا اشىق بولعانى جٶن. مىسالى, كاناداداعى «Park Banf» ۇلتتىق تابيعي پاركٸ جىلىنا 5 ميلليوننان استام تۋريستٸ قابىلدايدى. جاڭا زەلاندييادا اڭشىلىق شارۋاشىلىقتاردىڭ جىل سايىنعى تابىسى 900 ملن دوللاردى قۇراپ وتىر, ال يسپانييادا 84 ملن دوللار شاماسىندا», - دەدٸ ۆەدومستۆو باسشىسى.
وسى ورايدا ول بۇل باعىتتا تٷسكەن قوماقتى قارجى پاركتەردٸ دامىتۋدى, سونداي-اق بيورەسۋرستاردى قالپىنا كەلتٸرۋدٸ قامتاماسىز ەتەتٸنٸن جەتكٸزدٸ. بۇل تۇرعىدا الداعى جىلدان باستاپ اۋىل شارۋاشىلىعى مينيسترلٸگٸمەن بٸرلەسە اڭشىلىق القاپتار مەن ۇلتتىق پاركتەردٸ باسقارۋدىڭ جاڭا مودەلٸن اپروباتسييادان ٶتكٸزۋ جوسپارلانىپ وتىر.
