يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك قاماليەۆ اقتاۋ مەن قۇرىق پورتتارىنان قانشا جٷك تاسىمالدانىپ جاتقانىن ايتتى, دەپ حابارلايدى قازاقپارات.
««نۇرلى جول» باعدارلاماسىن جٷزەگە اسىرۋ – بٸزگە كاسپييدە ٷزدٸك لوگيستيكالىق حابتى قالىپتاستىرۋعا مٷمكٸندٸك بەردٸ. بٷگٸنگٸ تاڭدا بٸزدٸڭ اقتاۋ, قۇرىق تەڭٸز پورتتارىنىڭ قۋاتى 27 ملن توننانى قۇرايدى. بٸز وسىنداي مٶلشەردەگٸ جٷكتٸ ٶتكٸزە الامىز. اتاپ ايتقاندا اقتاۋ پورتىنان 21 ملن توننا, قۇرىقتان 6 ملن توننا جٷك ٶتەدٸ. ولار ارقىلى كٶبٸنەسە مۇناي, مۇناي ٶنٸمدەرٸ, بيداي, مەتالل, ٶنەركەسٸپتٸك ٶنٸمدەر, قۇرىلىس ماتەريالدارى تاسىمالدانادى», - دەدٸ بەرٸك قاماليەۆ پارلامەنت مەجٸلٸسٸندە كەمە قاتىناسى تۋرالى كەلٸسٸمدٸ راتيفيكاتسييالاۋ جٶنٸندەگٸ زاڭ جوباسىن تانىستىرا وتىرىپ.
ونىڭ ايتۋىنشا, بيىل پاندەميياعا قاراماستان پورتتاردىڭ قارقىنى ساقتالعان.
«بٸز 9 ايدىڭ ٸشٸندە تٸپتٸ 4,5 ملن توننا ارتىق جٷك ٶتكٸزدٸك. بۇل – ٶتكەن جىلدىڭ سەيكەس كەزەڭٸمەن سالىستىرعاندا 4 پايىزعا ارتىق. جىل سوڭىنا دەيٸن قارقىندى ساقتاپ قالعىمىز كەلەدٸ. الايدا بۇل رەتتە تەڭٸز پورتتارىنىڭ تولىق قۋاتتا جۇمىس ٸستەپ تۇرماعانىن دا اتاپ ٶتۋ كەرەك. بۇل - مۇناي ٶندٸرۋ كٶلەمٸنٸڭ قىسقارۋىنا بايلانىستى. مىسالى 2011 جىلى بٸز اقتاۋ پورتى ارقىلى شامامەن 10 ملن توننا مۇناي جٸبەرەتٸنبٸز. قازٸر بۇل كٶرسەتكٸش – 2 ملن توننانى قۇرايدى. سەبەبٸ جٶنەلتٸلەتٸن مۇناي كٶلەمٸنٸڭ كٶبٸ قۇبىر ارقىلى جەتكٸزٸلەتٸن بولدى. سونىمەن قاتار يرانعا قاتىستى سانكتسييالىق شارالار دا ٶز ەسەرٸن تيگٸزدٸ. بٸزدەگٸ «ارسەلورميتتال تەمٸرتاۋ» كومپانيياسى جىل سايىن 2 ملن تونناعا جۋىق مەتالل تيەپ جٸبەرەتٸن. وسىنداي فاكتورلار ەلبەتتە ٶز ەسەرٸن تيگٸزدٸ», - دەدٸ ول.
بەرٸك قاماليەۆ اتالمىش پورتتارداعى جٷكتٸ «كونتەيلەندٸرۋ» جۇمىسى جٷرگٸزٸلٸپ جاتقانىن جەتكٸزدٸ.
«قازٸرگٸ تاڭدا ترانسكاسپيي جاڭا حالىقارالىق باعدارى بويىنشا اقتاۋ-باكۋ باعىتىندا جٶنەلتٸلەتٸن 20 پۇتتىق كونتەينەرلەردٸڭ سانىن 20 مىڭنان 40 مىڭعا دەيٸن ارتتىردىق. «قازمورترانسفلوت» كومپانيياسىنىڭ جٷك تاسىمالىن 52 پايىزعا جەتكٸزدٸك. بٸز «قازاقمىس», «قازمىرىش», «قازاقستان الليۋمينييٸ» كومپانييالارىنىڭ جٷكتەرٸنٸڭ ەكسپورتىن كونتەينەرلٸندٸرمەكپٸز. 40 مىڭ كونتەينەر – ماقساتىمىزدىڭ شەگٸ ەمەس. 2025 جىلعا دەيٸن 130-140 مىڭ كونتەينەرگە دەيٸن جٷك تاسىمالىن ارتتىرعىمىز كەلەدٸ», - دەدٸ ول.
