فوتو: تاسس
اقتاۋ ماڭىندا اپاتقا ۇشىراعان Azerbaijan Airlines كومپانيياسىنىڭ جولاۋشىلار ۇشاعىندا قازا تاپقانداردى ەسكە الۋ ماقساتىندا شەشەنستان استاناسى گروزنىي قالاسىندا مەموريال اشىلدى. ەسكەرتكٸش ەزەربايجاننىڭ تۇڭعىش پرەزيدەنتٸ گەيدار ەليەۆ اتىنداعى ساياباقتا ورناتىلعان. بۇل تۋرالى Ult.kz تاسس اگەنتتٸگٸنە سٸلتەمە جاساپ حابارلادى.
مەموريالدىڭ اشىلۋ سالتاناتىندا شەشەنستان باسشىسى مەن ٷكٸمەتٸ ەكٸمشٸلٸگٸنٸڭ جەتەكشٸسٸ گالاس تايماسحانوۆ اپاتتان قازا تاپقانداردىڭ جاقىندارىنا كٶڭٸل ايتتى.
«بۇل ەۋە اپاتى بارلىعىمىز ٷشٸن اۋىر حابار بولدى. بٷگٸن بٸز باكۋ – گروزنىي باعىتىنداعى رەيس جولاۋشىلارىنىڭ قۇرمەتٸنە مەموريالدىق تاقتا اشىپ وتىرمىز. 29 ادامنىڭ ٶمٸرٸن ساقتاپ قالۋعا مٷمكٸندٸك بەرگەن ۇشقىشتار مەن ەكيپاجدىڭ ەرلٸگٸ ەشقاشان ۇمىتىلمايدى», – دەدٸ ول.
ٸس-شارا بارىسىندا AZAL ەۋە كومپانيياسىنىڭ پرەزيدەنتٸ سامير مۋسا وگلى رزاەۆقا شەشەن رەسپۋبليكاسىنىڭ الدىنداعى ەڭبەگٸ ٷشٸن مەدال تابىستالدى. سونداي-اق تٸرٸ قالعان بورتسەرٸكتەر اسادوۆ زۋلفۋگار مەن راگيملي ايداننىڭ كٶرسەتكەن ەرلٸگٸ ەرەكشە اتاپ ٶتٸلدٸ.
ەسكە سالايىق, 2024 جىلعى 25 جەلتوقساندا AZAL ەۋە كومپانيياسىنىڭ باكۋ – گروزنىي باعىتىنداعى ۇشاعى اقتاۋ ماڭىندا اپاتقا ۇشىراعان بولاتىن. ۇشاق بورتىندا 67 ادام بولعان, ولاردىڭ 38-ٸ قازا تاۋىپ, 29-ى امان قالعان ەدٸ.
