فوتو: Gleb Garanich / Reuters
ۋكراينا پرەزيدەنتٸ ۆلاديمير زەلەنسكيي كەڭسەسٸنٸڭ بۇرىنعى باسشىسى اندرەي ەرماكتى سوت 60 تەۋلٸككە قاماۋعا الۋ تۋرالى شەشٸم شىعارىپ, وعان 140 ملن گريۆەن (شامامەن 3,1 ملن دوللار) كٶلەمٸندە كەپٸلمەن بوساپ شىعۋ مٷمكٸندٸگٸن بەرگەن بولاتىن. ەرماك مۇنداي قاراجاتى جوق ەكەنٸن, الايدا دوستارى كٶمەكتەسەدٸ دەپ ٷمٸتتەنەتٸنٸن ايتتى, دەپ حابارلايدى Ult.kz.
«بۇعان دەيٸن دە ايتتىم, مەندە مۇنداي اقشا جوق. <...> مەن بۇعان دايىندالعان جوقپىن. تانىستارىم, دوستارىم جەتكٸلٸكتٸ دەپ ويلايمىن, ولار كٶمەكتەسە الادى دەپ ٷمٸتتەنەمٸن», – دەدٸ ەرماك سوت شەشٸمٸ جارييالانعاننان كەيٸن جۋرناليستەرگە.
سونداي-اق ول ادۆوكاتتارىنىڭ اپەللياتسييالىق شاعىم تٷسٸرەتٸنٸن مەلٸمدەدٸ.
فوتو: REUTERS / Alina Smutko/ اندرەي ەرماك سوتتا
ايتا كەتەيٸك,دٷيسەنبٸ كٷنٸ ۋكراينانىڭ مامانداندىرىلعان سىبايلاس جەمقورلىققا قارسى پروكۋراتۋراسى اندرەي ەرماكقا كيەۆ ماڭىنداعى ەليتالى تۇرعىن ٷي قۇرىلىسى كەزٸندە اقشانى جىمقىردى دەگەن ايىپ تاعىلعانىن حابارلادى. كەلەسٸ كٷنٸ جوعارى انتيكوررۋپتسييالىق سوت (ۆاكس) ەرماكقا قاتىستى بۇلتارتپاۋ شاراسىنا كٶشتٸ.
ساپ باسشىسى الەكساندر كليمەنكو ۆەدومستۆو ەرماكتى 4,1 ملن دوللار كٶلەمٸندە كەپٸل قويۋ مٷمكٸندٸگٸمەن قاماۋعا الۋدى سۇرايتىنىن مەلٸمدەگەن بولاتىن. الايدا سوت كەپٸل كٶلەمٸن 3,1 ملن دوللارعا تٷسٸرۋ تۋرالى شەشٸم شىعاردى.
بەيسەنبٸ كٷنٸ سۋديا ٶز شەشٸمٸنٸڭ تەك قارار بٶلٸگٸن عانا وقىدى. شەشٸمنٸڭ قانداي ۋەجدەرگە نەگٸزدەلگەنٸن تٷسٸنۋگە مٷمكٸندٸك بەرەتٸن تولىق مەتٸن 18 مامىردا جارييالانادى دەپ كٷتٸلۋدە.
اندرەي ەرماك — ۋكراينالىق زاڭگەر, كەسٸپكەر جەنە ساياساتكەر. ول 2020–2025 جىلدارى پرەزيدەنت كەڭسەسٸن باسقاردى. كەيٸن جەمقورلىق سحەمالارىنا قاتىستى تەرگەۋگە تٷستٸ.
