اقش ۋكراينانى قولداپ, قارا تەڭٸزگە ەسكەري كەمەلەرٸن جٸبەرۋ مٷمكٸندٸگٸن قاراستىرىپ جاتىر. بۇل تۋرالى اقش قورعانىس مينيسترلٸگٸ اقپاراتىنا سٷيەنگەن CNN حابارلادى.
پەنتاگون ٶكٸلٸ تەلەارناعا بەرگەن سۇحباتىندا قارا تەڭٸزدە امەريكالىق ەسكەري-تەڭٸز فلوتى بار ەكەنٸن ايتتى. ول جاققا قوسىمشا كەمە جٸبەرۋ ارقىلى اقش رەسەيگە ۋكراينا شىعىسىنداعى جاعدايدى مۇقييات باقىلاپ وتىرعاندىعىن بٸلدٸرگٸسٸ كەلەدٸ دەدٸ پەنتاگون ٶكٸلٸ.
CNN ارناسىنىڭ حابارلاۋىنشا, ۆاشينگتون بوسفور مەن داردانەللا بۇعازدارى ارقىلى كەمەلەرٸن ٶتكٸزگٸسٸ كەلسە, 1936 جىلعى كونۆەنتسيياعا سەيكەس تٷركيياعا ەكٸ اپتا بۇرىن ەسكەرتۋ جٸبەرۋٸ تيٸس. وندا دا ەسكەري كەمەلەردٸڭ جالپى سالماعى 30 مىڭ توننادان اسپاۋى تيٸس. انكاراعا مۇنداي ەسكەرتۋ جٸبەرٸلدٸ مە, جوق پا, ول جاعى بەلگٸسٸز.
قورعانىس مينيسترلٸگٸنٸڭ ٶكٸلٸ اقش حالىقارالىق ەۋە كەڭٸستٸگٸن بارلاپ, قارا تەڭٸزدەگٸ رەسەي كەمەلەرٸنٸڭ باعىتى مەن اننەكسييالانعان قىرىمداعى ەسكەردٸ قاداعالايدى دەپ مەلٸمدەدٸ. ەسكەريلەردٸڭ ايتۋىنشا, ۆاشينگتون ۋكراينامەن شەكاراعا رەسەيلٸك ەسكەردٸڭ شوعىرلانۋىن شابۋىلعا دايىندىق رەتٸندە قاراستىرمايدى.
دەگەنمەن رەسەيدٸڭ ۋكراينامەن شەكارا ماڭىنا ەسكەر ورنالاستىرۋىنا اقش-تىڭ الاڭداپ وتىرعانىن اق ٷيدٸڭ باسپاسٶز حاتشىسى دجەن پساكي دە حابارلادى.
كەيٸنگٸ اپتالاردا ساراپشىلار, بٸرقاتار ەلدٸڭ رەسمي ٶكٸلدەرٸ, ۇيىمدار ۋكراينامەن شەكارادا رەسەي ەسكەرٸنٸڭ شوعىرلانۋىنا نازار اۋدارعان. Conflict Intelligence Team توبى ەسكەري لاگەرلەردٸڭ بٸرٸ ۋكراينا شەكاراسىنان شامامەن 250 شاقىرىم جەردە ورنالاسقانىن ايتادى.
كيەۆ رەسەي ەلدٸڭ شىعىسىنداعى سەپاراتيستەردٸ جەلەۋ ەتٸپ, باسىپ كٸرۋگە دايىندىق جاساپ وتىر دەپ قاۋٸپتەنەدٸ. كرەمل ەل اۋماعىنداعى كەز كەلگەن ەسكەري ديسلوكاتسييا مەملەكەتتٸڭ ٸشكٸ مەسەلەسٸ دەپ ايتقان.
