امەريكانىڭ كيەۆتە جۇمىس ٸستەيتٸن جوعارى لاۋازىمدى ديپلوماتى دونالد ترامپقا يمپيچمەنت جارييالاۋ تۋرالى تەرگەۋ ٸسٸ بارىسىندا اقش كونگرەسٸندە كۋەلٸك ەتتٸ. بۇرىنعى وفيتسەر جەنە ديپلومات ۋيليام تەيلور قازٸر كيەۆتەگٸ اقش ديملوماتييالىق ميسسيياسىن باسقارادى. ول ٶكٸلدەر پالاتاسىنىڭ ٷش كوميتەتٸندەگٸ جابىق تىڭداۋدا سٶيلەدٸ.
ول ترامپ ەكٸمشٸلٸگٸنٸڭ ۋكرايناعا قاتىسى بار قادامدارىنا, سونىڭ ٸشٸندە ۋكراينا قاۋٸپسٸزدٸگٸنە بەرٸلۋٸ تيٸس كٶمەكتٸڭ توقتاپ قالعانىنا تەيلوردىڭ كەلٸسپەيتٸنٸ تۋرالى ٶزگە كۋەلەردٸڭ حابارىنان كەيٸن شاقىرىلعان.
تەيلوردىڭ كٸرٸسپە سٶزٸنەن دەيەك كەلتٸرگەن The New York Times پەن The Washington Post حابارىنا قاراعاندا, ديپلومات ۋكرايناعا بەرٸلەتٸن اقش-تىڭ كٶمەگٸن ترامپ ۋكراينانىڭ اقش پرەزيدەنتٸنٸڭ ساياسي قارسىلاستارىنىڭ ٸسٸن تەكسەرۋگە قانشالىقتى دايىن ەكەنٸمەن بايلانىستىرماق بولعان. بۇل ايىپتى ترامپ بٸرنەشە رەت تەرٸسكە شىعارىپ, "پرەزيدەنتتٸ قيناۋعا تىرىسۋ" دەپ باعالاعان.
مەلٸمدەمە مەتٸنٸنە قاراعاندا, تەيلور ترامپتىڭ ۋكرايناعا قاتىناسى رەسمي ارنالاردى اينالىپ ٶتٸپ, بەيرەسمي ساياسات تۇرعىسىنان جٷرگٸزگەن.
ديپلومات ترامپتىڭ نيەتٸن "ۋكراينانىڭ اقش-تاعى پرەزيدەنت سايلاۋىنا ارالاسقانى" جايلى تەورييانى تاراتىپ جٷرگەن ترامپتىڭ جەكە ادۆوكاتى رۋدي دجۋلياني دە قولداعانىن اتاپ ٶتكەن.
پرەزيدەنتكە يمپيچمەنت جارييالاۋ ٸسٸندە تەيلوردىڭ كۋە رەتٸندە پايدا بولۋى - ترامپتى بيلٸكتەن تايدىرۋعا باعىتتالعان كەزەكتٸ ەرەكەت» دەپ جازادى Reuters اگەنتتٸگٸ.
اقش-تىڭ دەموكراتتار باسقاراتىن ٶكٸلدەر پالاتاسى ترامپ پەن ۋكراينا پرەزيدەنتٸ زەلەنسكييدٸڭ 25 شٸلدەدەگٸ تەلەفون ەڭگٸمەسٸن ەگجەي-تەگجەيٸن تەكسەرٸپ جاتىر. امەريكالىق باسىلىمدار ترامپتىڭ زەلەنسكييدٸ 2020 جىلعى سايلاۋدا ٶزٸنٸڭ باس قارسىلاسى بولاتىن دجو بايدەننٸڭ ٷستٸنەن جەمقورلىق داۋى بويىنشا ٸس قوزعاۋعا مەجبٷرلەمەك بولعانىن جازدى. سىنشىلار ترامپ "قىزمەتتٸك ٶكٸلەتٸن اسىرا پايدالانىپ, ىقتيمال قارسىلاسىنا كومپرومات تابۋعا تىرىستى" دەپ ايىپتادى. دونالد ترامپ بۇل ايىپتاۋلاردى جوققا شىعاردى.
ترامپ پەن زەلەنسكيي اراسىنداعى ەڭگٸمە بەلگٸلٸ بولعاننان كەيٸن اقش ٶكٸلدەر پالاتاسىنداعى دەموكراتتار ترامپقا "بەرگەن سەرتٸن بۇزعانى ٷشٸن" يمپيچمەنت جارييالاۋ پروتسەسٸن باستاعان. بۇعان دەيٸن ۋكراينا پرەزيدەنتٸ ۆلاديمير زەلەنسكيي ترامپتىڭ قىسىم جاساماعانىن ايتقان.
