اقش پرەزيدەنتٸ دجو بايدەن مەن ۆيتسە-پرەزيدەنت كامالا حارريس نەسٸلٸ ازييالىق اقش ازاماتتارىنا قارسى زورلىق-زومبىلىق پەن الالاۋدى ايىپتادى. جۇما, 19 ناۋرىز كٷنٸ ول ەكەۋٸ دجوردجييا شتاتىنداعى اتلانتا قالاسىنا ساپارلادى. ول جەردە اپتا باسىندا 8 كٸسٸ ٶلتٸرٸلگەن. ونىڭ التاۋى – نەسٸلٸ ازييالىق ەيەل.
16 ناۋرىز كٷنٸ اتلانتا قالاسىنداعى ٷش ماسساج سالونىنا بارىپ, وق جاۋدىرعان. كٷدٸكتٸ رەتٸندە 21 جاستاعى روبەرت اارون لونگ دەيتٸن جەرگٸلٸكتٸ تۇرعىن ۇستالعان.
پوليتسييا ەزٸرگە كٸسٸ ٶلتٸرۋدٸڭ نەسٸلشٸلدٸككە قاتىسى بار دەگەن قورىتىندىعا كەلە قويمادى. الايدا "امەريكا داۋىسى" راديوسىنىڭ حابارلاۋىنشا, بۇل وقيعا نەسٸلٸ ازييالىق اقش ازاماتتارى اراسىندا دٷربەلەڭ تۋدىردى. ولاردىڭ كٶبٸ كەيٸنگٸ ۋاقىتتا كٷشەيگەن الالاۋ مەن جەككٶرۋشٸلٸككە تاپ بولعان.
بايدەن مەن حارريس ازييالىق قاۋىمداستىق ٶكٸلدەرٸمەن كەزدەسٸپ, ولاردى جۇباتۋعا تىرىستى.
"امەريكادا نەسٸلشٸلدٸك نەگٸزٸندەگٸ جەككٶرۋشٸلٸككە جول جوق. بەرٸمٸز وعان نٷكتە قويۋىمىز كەرەك" دەدٸ بايدەن كەزدەسۋدەن كەيٸن.
كوروناۆيرۋس ٸندەتٸ پايدا بولعالى نەسٸلٸ ازييالىق اقش ازاماتتارىنا قارسى شابۋىلدار كٷشەيدٸ. شابۋىل جاساۋشىلار كوروناۆيرۋستىڭ تاراۋىنا قىتاي مەن قىتايلىقتار جاۋاپتى دەيدٸ. نەسٸلدٸك الالاۋعا ٶزگە دە ازييالىق ۇلتتاردىڭ ٶكٸلدەرٸ دە تاپ بولىپ وتىر.
"سٶزدٸڭ سالدارى بار" دەپ جازدى بايدەن Twitter جەلٸسٸندە. "ونىڭ اتى – كوروناۆيرۋس. بولدى".
بايدەن بۇل سٶزٸمەن الدىڭعى پرەزيدەنت دونالد ترامپتى مەڭزەدٸ. ول كوروناۆيرۋستى "قىتاي ۆيرۋسى" دەپ جيٸ اتايتىن.
