اقش پرەزيدەنتٸ دونالد ترامپ 7 ماۋسىمدا ۇلتتىق گۆاردييانىڭ ۆاشينگتونداعى بەس مىڭ ساربازىن قالادان شىعارۋدى بۇيىردى. ەسكەري كٷش ۆاشينگتونعا بٸرنەشە كٷن بۇرىن, ميننەاپوليستە افروامەريكالىق دجوردج فلويدتىڭ پوليتسەي قولىنان قازا تابۋىنان كەيٸن باستالعان نارازىلىقتى باسۋ ٷشٸن كٸرگٸزگەن. پرەزيدەنت بۇل شەشٸمٸن ەل استاناسىنىڭ “مٸنسٸز باقىلاۋدا” ۇستاۋ قاجەتٸمەن تٷسٸندٸرگەن. بۇل تۋرالى “امەريكا داۋىسى” راديوسى حابارلادى.
اقش-تىڭ بۇرىنعى ەسكەري قولباسشىلارى ۇلتتىق گۆاردييانىڭ ەل استاناسىنان شىعارىلۋىنا قاراماستان, ترامپتىڭ ۆاشينگتونعا 10 مىڭ سارباز كٸرگٸزۋ تۋرالى بٸر اپتا بۇرىنعى مەلٸمدەمەسٸنە ەلٸ قارسىلىق تانىتىپ جاتىر.
سوڭىندا ۆاشينگتونعا ەۋە دەسانت كٷشتەرٸنٸڭ 1600 ساربازى جەتكٸزٸلدٸ, بٸراق ولار نارازىلىقتى باسۋعا اتسالىسقان جوق, دەيدٸ “امەريكا داۋىسى”.
اقش قورعانىس مينيسترٸ مارك ەسپەر نارازىلىقتى ەسكەردٸڭ كٷشٸمەن باسۋ يدەياسىمەن كەلٸسپەيتٸنٸن جەتكٸزگەن. پەنتاگون باسشىسىن باس پروكۋرور ۋيليام بارر دا قولداعان.
