AQSh prezidenti Donald Tramp 7 maýsymda Ulttyq gvardiianyń Vashingtondaǵy bes myń sarbazyn qaladan shyǵarýdy buiyrdy. Áskeri kúsh Vashingtonǵa birneshe kún buryn, Minneapoliste afroamerikalyq Djordj Floidtyń politsei qolynan qaza tabýynan keiin bastalǵan narazylyqty basý úshin kirgizgen. Prezident bul sheshimin el astanasynyń “minsiz baqylaýda” ustaý qajetimen túsindirgen. Bul týraly “Amerika daýysy” radiosy habarlady.
AQSh-tyń burynǵy áskeri qolbasshylary ulttyq gvardiianyń el astanasynan shyǵarylýyna qaramastan, Tramptyń Vashingtonǵa 10 myń sarbaz kirgizý týraly bir apta burynǵy málimdemesine áli qarsylyq tanytyp jatyr.
Sońynda Vashingtonǵa áýe desant kúshteriniń 1600 sarbazy jetkizildi, biraq olar narazylyqty basýǵa atsalysqan joq, deidi “Amerika daýysy”.
AQSh qorǵanys ministri Mark Esper narazylyqty áskerdiń kúshimen basý ideiasymen kelispeitinin jetkizgen. Pentagon basshysyn bas prokýror Ýiliam Barr da qoldaǵan.
