اقش-تىڭ جاڭادان سايلانعان پرەزيدەنتٸ دجو بايدەن اق ٷي جەتەكشٸسٸ دونالد ترامپ ەكٸمشٸلٸگٸنٸڭ قاجەتتٸ دەرەجەدە ەرٸپتەستٸك ورناتپاي وتىرعانىن مەلٸمدەدٸ.
20 قاڭتاردا پرەزيدەنت قىزمەتٸنە رەسمي تٷردە كٸرٸسەتٸن بايدەن بيلٸك ترانزيتٸنە قاجەت اقپاراتتى جيناقتاۋ كەزٸندە قورعانىس مينيسترلٸگٸ مەن ەكٸمشٸلٸك-بيۋدجەت باسقارماسى شەنەۋنٸكتەرٸنٸڭ كەدەرگٸسٸنە تاپ بولعانىن ايتتى.
"دەل قازٸر ٶكٸلەتٸن جاقىن ارادا اياقتايتىن ەكٸمشٸلٸكتەن قاۋٸپسٸزدٸك بويىنشا ماڭىزدى اقپاراتتى الا الماي وتىرمىز. مۇنى - جاۋاپسىزدىق دەۋدەن باسقاشا اتاۋ مٷمكٸن ەمەس" دەدٸ دجو بايدەن.
28 جەلتوقساندا ۋيلمينگتون قالاسىندا (دەلاۆەر شتاتىندا) سٶيلەگەن سٶزٸندە دەموكرات-ساياساتكەر ەلەمدەگٸ امەريكا ەسكەرٸنٸڭ جاعدايى مەن قورعانىس جەنە ٶزگە دە ۆەدومستۆولاردىڭ شىعىنى جايلى اقپاراتپەن تانىسىپ شىققىسى كەلگەنٸن ايتقان.
بايدەن مەلٸمدەمەسٸنەن بۇرىن ۆيتسە-پرەزيدەنت قىزمەتٸنە تاڭدالعان كامالا حارريس ٶز كومانداسىمەن جينالىس ٶتكٸزگەن ەدٸ. جاڭا سايلانعان پرەزيدەنت كومانداسى دونالد ترامپ تۇسىندا مەملەكەت ٷشٸن ەڭ ماڭىزدى سالا - قاۋٸپسٸزدٸك قىزمەتٸنە "وراسان زور شىعىن كەلدٸ" دەگەن قورىتىندىعا كەلگەن.
ال 3 قاراشا كٷنگٸ سايلاۋدان كەيٸن ترامپ جارلىعىمەن پەنتاگون جەتەكشٸسٸ ەتٸپ تاعايىندالعان كريس ميللەر دٷيسەنبٸ كٷنٸ مەلٸمدەمە تاراتىپ, ۆەدومستۆونىڭ بايدەن كومانداسىنا قاجەت قۇجاتتاردىڭ بارلىعىن بەرٸپ وتىرعانىن ايتتى.
جەلتوقسان ايىنىڭ ورتاسىندا سايلاۋشىلار القاسى دجو بايدەننٸڭ پرەزيدەنت سايلاۋىندا جەڭٸسكە جەتكەنٸن راستاعان. ول سايلاۋشىلار القاسىنىڭ 306 داۋىسىن العان, ال ترامپتا 232 داۋىس بار.
دونالد ترامپ بايدەننٸڭ جەڭٸسٸن مويىنداعان جوق. ول سايلاۋ نەتيجەسٸ بۇرمالاندى دەپ ەسەپتەيدٸ. بٸراق سٶزٸنە ەشقانداي ايعاق كەلتٸرمەدٸ. سايلاۋ نەتيجەسٸ 6 قاڭتاردا كونگرەسس پالاتالارىنىڭ بٸرلەسكەن وتىرىسىندا رەسمي راستالۋى تيٸس.
