اقش-تىڭ الاباما شتاتىندا ٶلٸم جازاسىنا كەسٸلگەن 38 جاستاعى رەتسيديۆيست كەيسي ۋايت تٷرمەدەن قاشىپ كەتتٸ, دەپ حابارلايدى قازاقپارات BBC اقپارات اگەنتتٸگٸنە سٸلتەمە جاساپ.
دەل وسى ۋاقىتتا تٷرمە قىزمەتكەرٸ ۆيككي ۋايت تا جوعالعان. بيلٸك قىلمىسكەردٸڭ كٷزەتشٸنٸ كەپٸلگە الۋى مٷمكٸن ەكەنٸن نەمەسە ول ۋايتقا ٶز ەركٸمەن كٶمەكتەستٸ دەگەن نۇسقالاردى قاراستىرۋدا.
قىلمىسكەر تٷرمەدەن جۇما كٷنٸ تاڭەرتەڭ قاشقان. 56 جاستاعى ۆيككي ۋايت رەتسيديۆيستتٸ تٷرمەدەن ٶزٸ شىعارىپ, باسشىلىققا ونى پسيحياترعا قارالۋعا اپارا جاتقانىن ايتقان.
كەيٸن بەلگٸلٸ بولعانداي, بۇل كٷنٸ ەشقانداي كونسۋلتاتسييا بەلگٸلەنبەگەن. ال ۋايتتىڭ ٶزٸ حاتتاماعا سەيكەس ەرەكەت ەتپەگەن, ەرەجەگە سەيكەس تٷرمەنٸڭ سىرتىندا قاۋٸپتٸ قىلمىسكەردٸ ەكٸ كٷزەتشٸ بٸرگە الىپ جٷرۋٸ تيٸس.
ۋايت ەرٸپتەستەرٸنە قىلمىسكەردٸ سوتقا قالدىرىپ, ٶزٸ دەرٸگەرگە باراتىنىن ايتقان. كەيٸن ونىڭ بۇل كٷنٸ دەرٸگەرگە قارالماعانى انىقتالدى. وندا كەيسي ۋايتتى اپارۋى تيٸس سوت پسيحياترىنىڭ جوسپارلى ساراپتاماسى دا بولعان جوق.
ۆيكي ۋايت الاباماداعى تٷزەۋ دەپارتامەنتٸندە 25 جىل قىزمەت اتقارىپ, لودەردەيل وكرۋگٸ تٷزەۋ دەپارتامەنتٸ ديرەكتورىنىڭ ورىنباسارى بولعان. ونىڭ جۇمىسىنا تۇتقىنداردى سوتقا جەتكٸزۋ كٸرەدٸ.
كٷزەتشٸ مەن قىلمىسكەر تٷرمەدەن جۇما كٷنٸ تاڭعى ساعات 9:00 شاماسىندا شىعىپ كەتكەن, ال تاڭعى ساعات 11.00 كەزٸندە ونىڭ بوس پاترۋلدٸك كٶلٸگٸ ساۋدا ورتالىعىنداعى كٶلٸك تۇراعىنان تابىلعان.
لودەرتەيل وكرۋگٸنٸڭ شەريفٸ سينگلتوننىڭ ايتۋىنشا, ۋايت تٷرمەدەن قاشۋدى 2020 جىلى دا جوسپارلاعان, بٸراق ويى ٸسكە اسپادى.
