AQSh-tyń Alabama shtatynda ólim jazasyna kesilgen 38 jastaǵy retsidivist Keisi Ýait túrmeden qashyp ketti, dep habarlaidy QazAqparat BBC aqparat agenttigine silteme jasap.
Dál osy ýaqytta túrme qyzmetkeri Vikki Ýait ta joǵalǵan. Bilik qylmyskerdiń kúzetshini kepilge alýy múmkin ekenin nemese ol Ýaitqa óz erkimen kómektesti degen nusqalardy qarastyrýda.
Qylmysker túrmeden juma kúni tańerteń qashqan. 56 jastaǵy Vikki Ýait retsidivistti túrmeden ózi shyǵaryp, basshylyqqa ony psihiatrǵa qaralýǵa apara jatqanyn aitqan.
Keiin belgili bolǵandai, bul kúni eshqandai konsýltatsiia belgilenbegen. Al Ýaittyń ózi hattamaǵa sáikes áreket etpegen, erejege sáikes túrmeniń syrtynda qaýipti qylmyskerdi eki kúzetshi birge alyp júrýi tiis.
Ýait áriptesterine qylmyskerdi sotqa qaldyryp, ózi dárigerge baratynyn aitqan. Keiin onyń bul kúni dárigerge qaralmaǵany anyqtaldy. Onda Keisi Ýaitty aparýy tiis sot psihiatrynyń josparly saraptamasy da bolǵan joq.
Viki Ýait Alabamadaǵy túzeý departamentinde 25 jyl qyzmet atqaryp, Loderdeil okrýgi túzeý departamenti direktorynyń orynbasary bolǵan. Onyń jumysyna tutqyndardy sotqa jetkizý kiredi.
Kúzetshi men qylmysker túrmeden juma kúni tańǵy saǵat 9:00 shamasynda shyǵyp ketken, al tańǵy saǵat 11.00 kezinde onyń bos patrýldik kóligi saýda ortalyǵyndaǵy kólik turaǵynan tabylǵan.
Loderteil okrýginiń sherifi Singltonnyń aitýynsha, Ýait túrmeden qashýdy 2020 jyly da josparlaǵan, biraq oiy iske aspady.
