جەكسەنبٸ كٷنٸ اقش ۇلتتىق اللەرگييالىق جەنە جۇقپالى اۋرۋلار ينستيتۋتىنىڭ ديرەكتورى ەنتوني فاۋچي جاڭا كوروناۆيرۋستان 100 مىڭنان 200 مىڭ ادامعا دەيٸن قۇربان بولۋى مٷمكٸن ەكەنٸن مەلٸم ەتتٸ.
ۆيرۋستان 2000-نان استام امەريكالىق قايتىس بولعان, دەپ حابارلايدى "ۇلت اقپارات" CNN-گە سٸلتەمە جاساپ.
سونداي-اق, ول ميلليونداعان ادامنىڭ كوروناۆيرۋس جۇقتىرۋى مٷمكٸن ەكەنٸن اتاپ ٶتتٸ.
ەكٸ كٷننٸڭ ٸشٸندە قايتىس بولعاندار سانى ەكٸ ەسەگە ارتىپ, 2 مىڭ ادامعا جەتكەن. سەنبٸ كٷنٸ تاڭەرتەڭگٸ جاعداي بويىنشا, اقش-تا 121 مىڭ ادام اۋرۋ جۇقتىرعان.
جەكسەنبٸ كٷنٸ پرەزيدەنت دونالد ترامپ باسپاسٶز مەسليحاتىندا مەلٸم ەتكەندەي, اقش-تا كوروناۆيرۋستان قايتىس بولعاندار سانى 100 مىڭ-200 مىڭ ادامعا جەتسە, ەكٸمشٸلٸك «جاقسى جۇمىس ٸستەدٸ» دەپ ايتۋعا بولادى.
اۋرۋ جۇقتىرعاندار سانىنىڭ كٷن ساناپ ارتىپ جاتقانىنا بايلانىستى اۋرۋحانالاردا ورىن تاپشى, ەسٸرەسە نيۋ-يوركتە – شتاتتا ەلدە اۋرۋ جۇقتىرعاندار ەڭ كٶپ تٸركەلگەن.
ەلدەگٸ كٶپتەگەن اۋرۋحانالاردا ەكٸ اپتادان كەيٸن ورىن بولمايدى, سەبەبٸ اۋرۋ جۇقتىرعاندار سانى ٶسٸپ جاتىر, دەپ مەلٸمدەدٸ ترامپ.
ۆيرۋستىڭ تارالۋىن توقتاتۋ ماساتىندا تٷرلٸ قالالار مەن شتاتتاردا, سونىڭ ٸشٸندە نيۋ-يوركتە بيلٸك تۇرعىنداردىڭ ٷيدە قالۋىن مٸندەتتەيتٸن شەشٸم شىعارعان. بۇل شەشٸم 215 ملن امەريكالىققا قاتىستى بولىپ وتىر.
Johns Hopkins University مەلٸمەتٸنشە, اقش-تا جەكسەنبٸ كٷنگٸ دەرەك بويىنشا اۋرۋ جۇقتىرعاندار سانى 142 مىڭ ادامعا جەتتٸ. COVID-19 شالدىققاندار سانى ەلەمدە 722 مىڭ ادام, ودان 34 مىڭ ادام كٶز جۇمدى.
