اقش سوتى LinkedIn, DropBox سەرۆيسٸ مەن بٸرقاتار ينتەرنەت كومپانييا قوسىمشالارى قولدانۋشىلارىنىڭ دەرەكتەرٸن ۇرلادى دەپ ايىپتالعان رەسەي ازاماتى ەۆگەنيي نيكۋليندٸ جەتٸ جىل تٶرت ايعا باس بوستاندىعىنان ايىردى.
فەدەرالدىق سوت ٷكٸمٸ 29 قىركٷيەكتە سان-فرانتسيسكو قالاسىندا وقىلدى.
"مەنٸڭ ويىمشا, سٸز كەرەمەت اقىلدى جٸگٸتسٸز. كومپيۋتەرلەردٸ بۇزعانشا تالانتىڭىزدى زاڭدى كەسٸپكە جۇمساپ, ٶمٸردە جاقسى بٸر نەرسە قالدىرۋعا شاقىرامىن" دەدٸ سۋديا ۋيليام السۋپ نيكۋلينگە.
سۋديانىڭ سٶزٸنە قاراعاندا سوت ٷكٸمٸن كٷتٸپ, تٶرت جىل قاماۋدا بولعان نيكۋلينگە بەرٸلگەن جازادا سول كەزەڭ دە ەسكەرٸلگەن. سۋديا سونىمەن بٸرگە سوتتالۋشىنىڭ رەسەيدە كەمەلەتكە تولماعان كٸشكەنتاي بالاسى جەنە قارتايعان اناسى قالعانىن دا ەسكەرگەن. نيكۋلين ادۆوكاتى ۆالەريي نەچايدىڭ ايتۋىنشا, سوڭعى بٸرنەشە جىلدا سوتتالۋشىنىڭ اناسى بٸرنەشە وپەراتسييانى, ٷش ينسۋلتتٸ باستان كەشٸرگەن.
شٸلدە ايىندا سوت القاسى نيكۋليننٸڭ 2012 جىلى LinkedIn, Formspring جەنە Dropbox سەرۆيسٸن پايدالاناتىن 112 ميلليون قولدانۋشىنىڭ دەرەگٸن ۇرلاعانى دەلەلدەندٸ دەپ قورىتىندى جاساعان. ونىڭ پروتسەسٸ شامامەن 4 جىلعا سوزىلدى.
نيكۋلين ينتەرپول ٶتٸنٸشٸ بويىنشا 2016 جىلى قازان ايىندا پراگادا ۇستالعان. ونى رەسەي دە قايتارۋدى سۇراعان. ول چەحييادان ساياسي باسپانا سۇراعان. 2018 جىلى سەۋٸر ايىندا اقش-قا ەكستراديتسييالانعان. كەيٸنٸرەك چەحييانىڭ كونستيتۋتسييالىق سوتى ەكستراديتسييالاۋ جايلى شەشٸمدٸ زاڭسىز دەپ تاپقان.
