قر مەدەنيەت جەنە سپورت مينيسترٸ ارىستانبەك مۇحامەديۇلى قازاقستاندىق ەنشٸ ديماش قۇدايبەرگەننٸڭ نيۋ-يورك قالاسىندا جەكە كونتسەرتٸ ٶتۋٸ مٷمكٸن ەكەنٸن ايتتى.
مينيستردٸڭ ايتۋىنشا, قازٸرگٸ تاڭدا قازاقستاندىق تاراپ اقش-پەن كەلٸسسٶزدەر جٷرگٸزٸپ جاتىر ەكەن.
«قازٸرگٸ تاڭدا ديماشتىڭ اقش-تا جەكە كونتسەرتٸن ۇيىمداستىرۋدى جوسپارلاپ وتىرمىز. اۋقىمدى شوۋ بولعانىن قالايمىز. شوۋ نيۋ-يورك قالاسىنداعى «Madison Square Garden»-نٸڭ ٷلكەن زالىندا ٶتۋٸ مٷمكٸن», - دەدٸ ول ٷكٸمەت وتىرىسىنان سوڭ جۋرناليستەرگە.
سونىمەن قاتار ارىستانبەك مۇحامەديۇلى اتالعان كونتسەرتتٸ ۇيىمداستىرۋ وڭايعا سوقپايتىنىن جەتكٸزدٸ.
«قازٸرگٸ تاڭدا بٸز كەلٸسسٶزدەردٸ جٷرگٸزٸپ جاتىرمىز. بۇل وڭاي مەسەلە ەمەس. ديماش ٷلكەن شوۋ ۇيىمداستىرعىسى كەلەدٸ. بۇل ٷشٸن ۋاقىت كەرەك. ەلەستەتٸڭٸزشٸ, 15 مىڭ كٶرەرمەن بولادى. ديماش امەريكالىق ەنشٸلەردەن كەم تٷسپەيتٸندەي شوۋ ٶتكٸزسەم دەپ ارماندايدى وعان جاقسى رەپەرتۋار, ستۋدييا, بيشٸلەر, تابيعي جاندى داۋىس قاجەت. سوندىقتان بۇل مەسەلەنٸ شەشۋ وڭايعا سوقپايدى, - دەدٸ مينيستر.
