QR Mádeniet jáne sport ministri Arystanbek Muhamediuly qazaqstandyq ánshi Dimash Qudaibergenniń Niý-Iork qalasynda jeke kontserti ótýi múmkin ekenin aitty.
Ministrdiń aitýynsha, qazirgi tańda qazaqstandyq tarap AQSh-pen kelissózder júrgizip jatyr eken.
«Qazirgi tańda Dimashtyń AQSh-ta jeke kontsertin uiymdastyrýdy josparlap otyrmyz. Aýqymdy shoý bolǵanyn qalaimyz. Shoý Niý-Iork qalasyndaǵy «Madison Square Garden»-niń úlken zalynda ótýi múmkin», - dedi ol Úkimet otyrysynan soń jýrnalisterge.
Sonymen qatar Arystanbek Muhamediuly atalǵan kontsertti uiymdastyrý ońaiǵa soqpaitynyn jetkizdi.
«Qazirgi tańda biz kelissózderdi júrgizip jatyrmyz. Bul ońai másele emes. Dimash úlken shoý uiymdastyrǵysy keledi. Bul úshin ýaqyt kerek. Elestetińizshi, 15 myń kórermen bolady. Dimash amerikalyq ánshilerden kem túspeitindei shoý ótkizsem dep armandaidy Oǵan jaqsy repertýar, stýdiia, bishiler, tabiǵi jandy daýys qajet. Sondyqtan bul máseleni sheshý ońaiǵa soqpaidy, - dedi ministr.
