اقش پرەزيدەنتٸ دجو بايدەن ەل تۇرعىندارىنىڭ بٸر جىنىستى جەنە ۇلتارالىق نەكەگە تۇرۋ قۇقىعىن قورعاۋعا قاتىستى "نەكەنٸ قۇرمەتتەۋ تۋرالى اكت" اتتى زاڭعا قول قويدى, - دەپ حابارلايدى Massaget.kz پورتالى DW سايتىنا سٸلتەمە جاساپ.
باسىلىم مەلٸمەتٸنشە, قول قويۋ رەسٸمٸ ۆيتسە-پرەزيدەنت كامالا حارريستٸڭ, سەنات پەن ٶكٸلدەر پالاتاسىنىڭ دەموكراتييالىق كٶشباسشىلارىنىڭ, بٸرٸنشٸ حانىم دجيلل بايدەننٸڭ جەنە لگبت قوزعالىسى ٶكٸلدەرٸنٸڭ قاتىسۋىمەن ٶتكەن.
"وسى ۋاقىتقا دەيٸنگٸ جول ۇزاق بولدى, بٸراق تەڭدٸك پەن ەدٸلەتكە سەنەتٸندەر ەشقاشان بەرٸلمەدٸ. سٸزدەردٸڭ كٶپشٸلٸگٸڭٸز مەن قول قوياتىن زاڭ ٷشٸن كٷرەسٸپ, قارىم-قاتىناستارىڭىزعا, جۇمىستارىڭىزعا, ٶمٸرلەرٸڭٸزگە قاۋٸپ تٶندٸردٸڭٸزدەر. مەن ٶز اتىمنان جەنە بٷكٸل ۇلتتىڭ اتىنان راقمەت ايتامىن", - دەدٸ بايدەن لگبت قوزعالىسىنىڭ ٶكٸلدەرٸنە سٶيلەگەن سٶزٸندە.
قۇجات اقش-تىڭ كەز كەلگەن شتاتىن باسقا شتاتتاردا تٸركەلگەن بٸرجىنىستى نەكەنٸ مويىنداۋعا مٸندەتتەيدٸ, تٸپتٸ بۇل شتاتتىڭ ٶزٸ مۇنداي نەكەنٸ مويىنداماسا دا قابىلداۋى قاجەت. اۆتورلاردىڭ ويىنشا, بۇل جاڭالىق 1996 جىلى قابىلدانعان "نەكەنٸ قورعاۋ اكتٸسٸ" تۋرالى فەدەرالدى زاڭدى الماستىرۋى كەرەك. وندا نەكە "ەركەك پەن ەيەل اراسىنداعى وداق" رەتٸندە سيپاتتالادى.
ايتا كەتەيٸك, 2015 جىلى اقش جوعارعى سوتى بٷكٸل ەل بويىنشا بٸرجىنىستى نەكەنٸ زاڭداستىردى.
