AQSh prezidenti Djo Baiden el turǵyndarynyń bir jynysty jáne ultaralyq nekege turý quqyǵyn qorǵaýǵa qatysty "Nekeni qurmetteý týraly akt" atty zańǵa qol qoidy, - dep habarlaidy Massaget.kz portaly DW saityna silteme jasap.
Basylym málimetinshe, qol qoiý rásimi vitse-prezident Kamala Harristiń, Senat pen Ókilder palatasynyń demokratiialyq kóshbasshylarynyń, birinshi hanym Djill Baidenniń jáne LGBT qozǵalysy ókilderiniń qatysýymen ótken.
"Osy ýaqytqa deiingi jol uzaq boldy, biraq teńdik pen ádiletke senetinder eshqashan berilmedi. Sizderdiń kópshiligińiz men qol qoiatyn zań úshin kúresip, qarym-qatynastaryńyzǵa, jumystaryńyzǵa, ómirlerińizge qaýip tóndirdińizder. Men óz atymnan jáne búkil ulttyń atynan raqmet aitamyn", - dedi Baiden LGBT qozǵalysynyń ókilderine sóilegen sózinde.
Qujat AQSh-tyń kez kelgen shtatyn basqa shtattarda tirkelgen birjynysty nekeni moiyndaýǵa mindetteidi, tipti bul shtattyń ózi mundai nekeni moiyndamasa da qabyldaýy qajet. Avtorlardyń oiynsha, bul jańalyq 1996 jyly qabyldanǵan "Nekeni qorǵaý aktisi" týraly federaldy zańdy almastyrýy kerek. Onda neke "erkek pen áiel arasyndaǵy odaq" retinde sipattalady.
Aita keteiik, 2015 jyly AQSh Joǵarǵy soty búkil el boiynsha birjynysty nekeni zańdastyrdy.
