امەريكانىڭ ۆاكتسينالاۋ قارقىنى تٶمەن شتاتتارىندا بالالار اراسىندا كوروناۆيرۋس جۇقتىرۋ جاعدايلارى ەدەۋٸر كٶبەيدٸ. جۇقتىرعانداردىڭ كٶبٸن اۋرۋحاناعا جاتقىزۋ قاجەت, كٷننەن-كٷنگە كٶبەيٸپ جاتقان بالالاردى ٶكپەنٸ جاساندى جەلدەتۋ اپپاراتىنا قوسۋ كەرەك بولىپ وتىر. بالالار اراسىنداعى جۇقتىرۋ جاعدايلارىنىڭ كٷرت ٶسۋٸ جاڭا وقۋ جىلىنىڭ باستالۋىمەن تٸكەلەي بايلانىستى. امەريكا مەكتەپتەرٸندە وقۋ جىلى تامىزدان باستالادى. اتا-انالار مەكتەپتەردە ماسكا تاعۋ رەجيمٸن ەنگٸزبەگەنٸ ٷشٸن گۋبەرناتورلاردى سوتقا بەرٸپ جاتىر, دەپ حابارلايدى 1tv.ru سايتى.
جاسٶسپٸرٸمدەر وقۋ جىلىن مەكتەپتە ەمەس, اۋرۋحانالاردا باستاپ جاتىر. كٶپ شتاتتاردا, ەسٸرەسە فلوريدا شتاتىندا بالالار اراسىندا كوروناۆيرۋس جۇقتىرۋ جاعدايلارى كٷرت ٶسۋدە. ولار اۋىر جاعدايدا اۋرۋحانالارعا تٷسۋدە, ٶججا-عا قوسۋ قاجەتتٸلٸگٸ تۋىنداپ جاتىر.
«پاندەمييا باستالعان كەزگە قاراعاندا قازٸرگٸ كەزدە كوروناۆيرۋس بالالارعا قاۋٸپ تٶندٸرٸپ تۇر», - دەدٸ فلوريدا اۋرۋحاناسىنىڭ دەرٸگەرٸ كەننەت الەكساندر.
امەريكانىڭ پەدياترييا قىزمەتٸنٸڭ دەرەگٸنشە, ۆاكتسينالاۋ قارقىنى تٶمەن شتاتتارداعى جاعداي اسا اۋىر. فلوريدا, ايداحو, الاباما, ميسسيسيپي, كانزاس شتاتتارىندا كوروناۆيرۋستىڭ «دەلتا» شتامى تەز تاراۋدا.
«كانزاستا سوڭعى ايلارى 12 جاستان تٶمەن بالالار اراسىنداعى ۆيرۋس جۇقتىرۋ جاعدايلارى 690%-عا ٶستٸ. جانساقتاۋ بٶلٸمدەرٸندەگٸ ناۋقاستاردىڭ سانى 275%-عا ارتتى. ولاردىڭ 20%-ى – 12 جاستان تٶمەن بالالار», - دەپ مەلٸمدەدٸ پەدياتور-ينفەكتسيونيست حوسە رومەرو.
اتا-انالاردىڭ ايتۋى بويىنشا, كٶپ جاعدايدا اۋرۋدىڭ بارىسىن بولجاۋ مٷمكٸن ەمەس.
«باسىندا ۇلىم جەڭٸل فورمادا اۋىرعان. ودان كەيٸن ونىڭ جاعدايى تەز ناشارلاپ كەتتٸ. بۇل قاتتى الاڭداتادى, سەبەبٸ ەرٸ قاراي نە كٷتەرٸڭدٸ بٸلمەيسٸڭ», - دەدٸ اۋىرىپ جاتقان بالانىڭ ەكەسٸ حۋان زاياس.
«نيۋ-يورك تايمس» باسىلىمىنىڭ جازۋىنشا, بالالاردىڭ اراسىندا «سوزىلمالى COVID» بەلگٸلەرٸ بايقالادى. اۋرۋدىڭ بەلگٸلەرٸ قايتا باستاعاننان كەيٸن ەكٸ اپتا نەمەسە بٸرنەشە ايدان كەيٸن قايتادان ورالىپ جاتادى. كەيبٸر سيمپتومدار مي شايقالۋ سالدارىنا ۇقسايدى. مىسالى, كەيبٸر بالالار فيزيكالىق بەلسەندٸلٸكتەن كەيٸن تەز شارشاپ قالىپ جاتادى. كەيبٸر ناۋقاستاردىڭ باسى اينالىپ, جٷرەك سوعىسى جيٸلەيدٸ.
كونسەرۆاتور گۋبەرناتور-رەسپۋبليكالىقتار ٶز ٶڭٸرلەرٸندە مەملەكەتتٸك مەكەمەلەردە بٶلەك زاڭدارمەن ماسكا تاعۋدى مٸندەتتەۋگە تىيىم سالدى. مىسالى, كٷندەلٸكتٸ جۇقتىرۋ جاعدايلارى بويىنشا انتيرەكورد تٸركەلٸپ وتىرعان فلوريدانىڭ گۋبەرناتورى سالىنعان تىيىمعا قارسى شىققانداردى جالاقىسىنان ايىرامىن دەپ قورقىتقان. مۇعالٸمدەرمەن قوسا اتا-انالار دا نارازى – فلوريدا مەن كانزاستا ٶڭٸر باسشىلارىن سوتقا بەردٸ.
«ساياسي ويىنداردى ويناۋدى قويىپ, پاندەمييا كەزٸندە بٸزدٸڭ بالالارىمىزدىڭ ٶمٸرلەرٸن قاۋٸپكە تٸگۋدٸ قويۋ كەرەك», - دەدٸ ۆەرونيكا ماكلەين.
ماسكا تاعۋ رەجيمٸن قۇپتايتىندار باراك وباماعا دا تيٸستٸ. بۇرىنعى پرەزيدەنت ٶزٸنٸڭ 60 جىلدىق مەرەيتويىن اتاپ ٶتپەك بولعان. الايدا ەلەۋمەتتٸك جەلٸگە ماسكاسىز كٶڭٸل كٶتەرٸپ جٷرگەن جٷزدەگەن قوناقتاردىڭ بەينەجازبالارى تاراپ كەتتٸ.
ەپيدەميولوگتار تولىق ۆاكتسينالاۋ العان تۇرعىنداردى دا ماسكا تاعۋعا شاقىردى. ەكپە جاساپ ٷلگەرمەگەندەرگە ۆاكتسينا سالدىرۋعا كەڭەس بەرٸلۋدە. اقش-تىڭ باس ينفەكتسيونيسٸنٸڭ ايتۋىنشا, جاپپاي ۆاكتسينالاۋ پاندەمييانىڭ پەسسيميستٸك ستسەنارييٸنٸڭ الدىن الۋدىڭ بٸردەن بٸر تەسٸلٸ.
«ۆيرۋسقا كٶبەيۋگە مٷمكٸندٸك بەرٸپ وتىراتىن بولساق, نە بولادى? بولجام بويىنشا, ۆاكتسينانى دا ەلەمەيتٸن جاڭا مىقتى شتامم تۋۋى مٷمكٸن», - دەدٸ اقش-تىڭ باس ينفەكتسيونيسٸ ەنتوني فاۋچي.
اقش-تىق باق باستى COVID-ديسسيدەنت دەپ اتاعان دونالد ترامپتىڭ ٶزٸ FOX تەلەارناسىنا بەرگەن سۇحباتىندا امەريكالىقتاردى ەكپە سالدىرتۋعا شاقىردى.
