Amerikanyń vaktsinalaý qarqyny tómen shtattarynda balalar arasynda koronavirýs juqtyrý jaǵdailary edáýir kóbeidi. Juqtyrǵandardyń kóbin aýrýhanaǵa jatqyzý qajet, kúnnen-kúnge kóbeiip jatqan balalardy ókpeni jasandy jeldetý apparatyna qosý kerek bolyp otyr. Balalar arasyndaǵy juqtyrý jaǵdailarynyń kúrt ósýi jańa oqý jylynyń bastalýymen tikelei bailanysty. Amerika mektepterinde oqý jyly tamyzdan bastalady. Ata-analar mektepterde maska taǵý rejimin engizbegeni úshin gýbernatorlardy sotqa berip jatyr, dep habarlaidy 1tv.ru saity.
Jasóspirimder oqý jylyn mektepte emes, aýrýhanalarda bastap jatyr. Kóp shtattarda, ásirese Florida shtatynda balalar arasynda koronavirýs juqtyrý jaǵdailary kúrt ósýde. Olar aýyr jaǵdaida aýrýhanalarǵa túsýde, ÓJJA-ǵa qosý qajettiligi týyndap jatyr.
«Pandemiia bastalǵan kezge qaraǵanda qazirgi kezde koronavirýs balalarǵa qaýip tóndirip tur», - dedi Florida aýrýhanasynyń dárigeri Kennet Aleksandr.
Amerikanyń pediatriia qyzmetiniń dereginshe, vaktsinalaý qarqyny tómen shtattardaǵy jaǵdai asa aýyr. Florida, Aidaho, Alabama, Missisipi, Kanzas shtattarynda koronavirýstyń «delta» shtamy tez taraýda.
«Kanzasta sońǵy ailary 12 jastan tómen balalar arasyndaǵy virýs juqtyrý jaǵdailary 690%-ǵa ósti. Jansaqtaý bólimderindegi naýqastardyń sany 275%-ǵa artty. Olardyń 20%-y – 12 jastan tómen balalar», - dep málimdedi pediator-infektsionist Hose Romero.
Ata-analardyń aitýy boiynsha, kóp jaǵdaida aýrýdyń barysyn boljaý múmkin emes.
«Basynda ulym jeńil formada aýyrǵan. Odan keiin onyń jaǵdaiy tez nasharlap ketti. Bul qatty alańdatady, sebebi ári qarai ne kúterińdi bilmeisiń», - dedi aýyryp jatqan balanyń ákesi Hýan Zaias.
«Niý-Iork Taims» basylymynyń jazýynsha, balalardyń arasynda «sozylmaly COVID» belgileri baiqalady. Aýrýdyń belgileri qaita bastaǵannan keiin eki apta nemese birneshe aidan keiin qaitadan oralyp jatady. Keibir simptomdar mi shaiqalý saldaryna uqsaidy. Mysaly, keibir balalar fizikalyq belsendilikten keiin tez sharshap qalyp jatady. Keibir naýqastardyń basy ainalyp, júrek soǵysy jiileidi.
Konservator gýbernator-respýblikalyqtar óz óńirlerinde memlekettik mekemelerde bólek zańdarmen maska taǵýdy mindetteýge tyiym saldy. Mysaly, kúndelikti juqtyrý jaǵdailary boiynsha antirekord tirkelip otyrǵan Floridanyń gýbernatory salynǵan tyiymǵa qarsy shyqqandardy jalaqysynan aiyramyn dep qorqytqan. Muǵalimdermen qosa ata-analar da narazy – Florida men Kanzasta óńir basshylaryn sotqa berdi.
«Saiasi oiyndardy oinaýdy qoiyp, pandemiia kezinde bizdiń balalarymyzdyń ómirlerin qaýipke tigýdi qoiý kerek», - dedi Veronika MakLein.
Maska taǵý rejimin quptaityndar Barak Obamaǵa da tiisti. Burynǵy prezident óziniń 60 jyldyq mereitoiyn atap ótpek bolǵan. Alaida áleýmettik jelige maskasyz kóńil kóterip júrgen júzdegen qonaqtardyń beinejazbalary tarap ketti.
Epidemiologtar tolyq vaktsinalaý alǵan turǵyndardy da maska taǵýǵa shaqyrdy. Ekpe jasap úlgermegenderge vaktsina saldyrýǵa keńes berilýde. AQSh-tyń bas infektsionisiniń aitýynsha, jappai vaktsinalaý pandemiianyń pessimistik stsenariiiniń aldyn alýdyń birden bir tásili.
«Virýsqa kóbeiýge múmkindik berip otyratyn bolsaq, ne bolady? Boljam boiynsha, vaktsinany da elemeitin jańa myqty shtamm týýy múmkin», - dedi AQSh-tyń bas infektsionisi Entoni Faýchi.
AQSh-tyq BAQ basty COVID-dissident dep ataǵan Donald Tramptyń ózi FOX telearnasyna bergen suhbatynda amerikalyqtardy ekpe saldyrtýǵa shaqyrdy.
