كٶپتەگەن ەلدەر AstraZeneca ۆاكتسيناسىن قولدانۋدى ۋاقىتشا توقتاتاتىنىن مەلٸمدەدٸ. بۇل رەتتە, ەۋروپالىق رەتتەۋشٸ پرەپاراتتىڭ تيٸمدٸلٸگٸنە سەنٸم بٸلدٸرٸپ وتىر. ال فرانتسييادا عالىمدار قاراپايىم پتر-تەستٸلەر انىقتاي المايتىن كوروناۆيرۋستىڭ جاڭا شتاممىن تٸركەدٸ. اقش-تا كوروناۆيرۋسقا ۆاكتسينا العان انادان انتيدەنەلەرٸ بار شاقالاق دٷنيەگە كەلدٸ. بۇل تۋرالى ۆۆس سايتى حابارلادى.
ەو رەتتەۋشٸسٸ AstraZeneca ۆاكتسيناسىنا سەنٸمٸن بٸلدٸرٸپ وتىر
سەيسەنبٸ كٷنٸ دەرٸلٸك قۇرالداردىڭ ەۋروپالىق اگەنتتٸگٸ (ەما) ٶزٸندە بار مەلٸمەتتەرگە سەيكەس AstraZeneca ۆاكتسيناسى مەن ۆاكتسينا ەگٸلگەن كەيبٸر ادامداردا ترومبتاردىڭ پايدا بولۋى اراسىندا ەش بايلانىس جوقتىعىن تاعى بٸر مەلٸمدەدٸ.
ەما باسشىسى ەمەر كۋك بۇل ۆاكتسينانىڭ پايداسى بارلىق قاۋٸپتەردٸڭ ورنىن باساتىنىنا تولىق سەنٸمدٸ ەكەنٸن باسا ايتتى.
AstraZeneca مەلٸمەتٸنشە, ەۋروپادا ۆاكتسينا ەگٸلگەن 17 ميلليون ادامنىڭ اراسىندا ترومبوزدىڭ 37 وقيعاسى تٸركەلگەن. ەما بۇل وقيعالاردىڭ ەرقايسىسىنا تالداۋ جٷرگٸزۋدە.
«ترومبوز ەو-داعى مىڭداعان ادامدا بولاتىنىڭ بٸلەمٸز جەنە ەكپە سالعاندار مۇنداي جاعدايعا نە سەبەپتەن تاپ بولعانىن ناقتى انىقتاعىمىز كەلەدٸ. تەكسەرۋ جالعاسۋدا. بٸراق قازٸرگٸ كەزدە AstraZeneca ۆاكتسيناسىنىڭ پايداسى Covid-19 ۆيرۋسى مەن ونىمەن بايلانىستى اۋرۋ جەنە ٶلٸم وقيعالارى قاۋپٸنەن جوعارى بولىپ وتىرعانىن سەنٸممەن ايتا الامىز», - دەپ باياندادى ەمەر كۋك.
EM-نىڭ تەرگەۋ قورىتىندىلارى بەيسەنبٸ كٷنٸ بەلگٸلٸ بولادى.
بٷگٸندە گەرمانييا, يتالييا, فرانتسييا, يسپانييا, پورتۋگالييا, سلوۆەنييا, يسلاندييا, يرلاندييا, نورۆەگييا, دانييا, نيدەرلاندى, يندونەزييا جەنە ۆەنەسۋەلادا AstraZeneca پرەپاراتىمەن ەگۋدٸ ۋاقىتشا توقتاتتى. سەيسەنبٸدە بۇل ەلدەر تٸزٸمٸنە لاتۆييا مەن شۆەتسييا قوسىلدى.
ال گەرمانييادا ٶڭٸرلٸك جەنە فەدەرالدىق كٶشباسشىلار ەما تەرگەۋٸنٸڭ قورىتىندىسى شىققانشا اتالمىش پرەپاراتپەن ۆاكتسينالاۋ باعدارلاماسىن كەڭەيتۋدٸ كەيٸنگە قالدىردى.
تايلاند بيلٸگٸ بولسا, كەرٸسٸنشە, AstraZeneca ۆاكتسيناسىن ۋاقىتشا قولدانباۋ شەشٸمٸن ٶزگەرتتٸ. سەيسەنبٸ كٷنٸ بۇل ۆاكتسينانى ەلدٸڭ پرەمەر-مينيسترٸ پرايۋت چان-وچا سالدىرتتى. «كٷمەندانىپ جٷرگەن ادامدار بار. بٸراق بٸز دەرٸگەرلەرگە, مەديتسينانىڭ ناعىز ماماندارىنا سەنۋٸمٸز كەرەك», - دەدٸ تايلاند ەلٸنٸڭ ٷكٸمەت باسشىسى.
AstraZeneca ۆاكتسيناسىن ەرٸ قاراي قولدانۋ شەشٸمٸ تۋرالى اۆسترالييا بيلٸگٸ دە مەلٸم ەتتٸ. ال كانادانىڭ پرەمەر-مينيسترٸ دجاستين تريۋدو وتانداستارىن ەۋروپاداعى رەاكتسيياعا قاراماستان ەكپە سالدىرتۋدان باس تارتپاۋعا شاقىردى.
جۇما كٷنٸ AstraZeneca مەن ترومبتاردىڭ اراسىندا بايلانىس دەلەلدەرٸنٸڭ جوق ەكەنٸن دٷنيەجٷزٸلٸك دەنساۋلىق ساقتاۋ ۇيىمى دا مەلٸمدەپ, ٷكٸمەتتەردٸ ونى پاندەميياعا قارسى كٷرەس قۇرالى رەتٸندە قولدانۋىن توقتاتپاۋعا ٷندەدٸ.
ايتا كەتەيٸك, بريتانييادا بۇل ۆاكتسينا - نەگٸزگٸلەردٸڭ بٸرٸ, AstraZeneca-نىڭ بٸرٸنشٸ دوزاسىن ميلليونداعان ادام الىپ ٷلگەردٸ.
فرانتسييا كەدٸمگٸ تەستٸلەر انىقتاي بەرمەيتٸن كوروناۆيرۋستىڭ جاڭا شتامىن تٸركەدٸ
فرانتسييا بيلٸگٸ ەلدٸڭ باتىسىنداعى برەتان ٶڭٸرٸندە عالىمدار كوروناۆيرۋستىڭ جاڭا شتامىن انىقتاعانىن مەلٸمدەدٸ. باستاپقى باعالاۋ بويىنشا, بۇل شتامم باسقالارىنا قاراعاندا ەلدەقايدا جۇقپالى نەمەسە قاۋٸپتٸ ەمەس, دەلٸنگەن دەنساۋلىق ساقتاۋ مينيسترلٸگٸنٸڭ مەلٸمدەمەسٸندە. بٸراق ونىڭ باسقا قاۋٸپتٸ ەرەكشەلٸگٸ بولۋى مٷمكٸن.
بۇل شتامدى جۇقتىرىپ العان ادامدار توبى لانون قالاسىنىڭ اۋرۋحاناسىندا انىقتالدى. بٸراق ولاردىڭ كەيبٸرٸندە ٸندەت بەلگٸلەرٸ بار بولعانىمەن, كوروناۆيرۋستى انىقتاۋ ٷشٸن ەدەتتە جاسالاتىن تيٸمدٸ پتر-تەست تەرٸس بولىپ شىققان.
اقش-تا Covid-19 ۆيرۋسىنا قارسى انتيدەنەلەرٸ بار سەبي دٷنيەگە كەلدٸ
فلوريدا شتاتىنداعى بوكا-راتوننىڭ پەدياتر دەرٸگەرلەرٸ پول گيلبەرت پەن چەد رۋدنيك قانىندا Covid-19 ۆيرۋسىنان قورعايتىن انتيدەنەلەرٸ بار سەبيدٸڭ دٷنيەگە كەلگەنٸن جەنە بۇل العاشقى وقيعا بولىپ تابىلاتىنىن ايتتى.
دوكتور گيلبەرتتٸڭ ايتۋىنشا, قاڭتاردا دەنساكۋلىق ساقتاۋ جٷيەسٸنٸڭ جٷكتٸ قىزمەتكەرٸ بالاسىن بوسانۋعا ٷش اپتا ۋاقىت قالعاندا Moderna ۆاكتسيناسىنىڭ ەكپەسٸن سالدىرتتى. دەرٸگەرلەر بولسا, انتيدەنەلەردٸڭ اناسىنان بالاسىنا ٶتۋ-ٶتپەۋٸن انىقتاۋ ماقساتىندا, بۇل جاعدايدى نازارعا العان.
سەبي دٷنيەگە كەلگەن كەزدە ولار بٸردەن كٸندٸگٸنەن قان تالداۋىن الىپ, انتيدەنەلەردٸ انىقتادى. انتيدەنەلەر نەرەستەگە تەك اناسىنان ٶتۋٸ مٷمكٸن ەكەندٸگٸ مەلٸمدەلدٸ. سەبەبٸ ەيەل كوروناۆيرۋسپەن اۋىرماعان, تەك ٸندەتكە قارسى ۆاكتسينا سالدىرعان.
