اقش سەناتىنىڭ مٷشەلەرٸ رەسپۋبليكاشىل ليندسي گرەم مەن دەموكرات روبەرت مەنەندەس رەسەيگە قارسى جاڭا سانكتسييالار جوباسىن ەزٸرلەدٸ. شەكتەۋ شاراسى رەسەيدٸڭ ٶزگە ەلدەردەگٸ سايلاۋلارعا ارالاسۋ ىقتيمالدىعىنا جەنە ۋكرايناداعى جاعدايعا بايلانىستى قابىلدانباق.
قۇجات رەسەيلٸك بٸرقاتار بانكتەر, ەنەرگەتيكا كومپانييالارى مەن رەسەيدٸڭ تەۋەلسٸز بورىشىنا قىزمەت كٶرسەتەتٸن جٷيەلەرگە شەكتەۋ ەنگٸزۋدٸ كٶزدەيدٸ دەپ حابارلايدى Reuters. اگەنتتٸكتٸڭ جازۋىنشا, سانكتسيياعا سۇيىتىلعان تابيعي گازعا قاتىستى رەسەيلٸك جوبالار دا ٸلٸگۋٸ مٷمكٸن.
جۋرناليستەردٸڭ مەلٸمەتٸنشە, اقش سەناتورلارى رەسەي پرەزيدەنتٸ ۆلاديمير پۋتينمەن بايلانىستاعى جەنە جەمقورلىققا قاتىسى بار جەكە تۇلعالارعا قارسى شەكتەۋ ەنگٸزۋدٸ دە ۇسىنعان.
زاڭ جوباسىندا كەرچ بۇعازىندا ۋكراينالىق ەسكەري كەمەلەرگە شابۋىلداپ, باسىپ العانى ٷشٸن رەسەي فەدەرالدىق قاۋٸپسٸزدٸك قىزمەتٸنٸڭ (فسب) 24 قىزمەتكەرٸنە قارسى سانكتسييا ەنگٸزۋ قاراستىرىلعان.
گرەم مەن مەنەندەس بۇعان دەيٸن ٶتكەن جىلى جازدا مەسكەۋگە قارسى سانكتسييا ەنگٸزۋدٸ ۇسىنعان. ول جولى قابىلدانباي قالعان زاڭ جوباسىندا رەسەي مەملەكەتتٸك قارىزىن ساتىپ الۋعا شەكتەۋ قويۋ, رەسەيلٸك بانكتەردٸڭ اقش-تاعى شوتتارىن بۇعاتتاۋ تەرٸزدٸ شارالار قاراستىرىلعان ەدٸ. بۇل جولى سەناتورلار بۇرىنعىدان دا قاتاڭ ۇسىنىستار جاساپ وتىر دەپ حابارلايدى Reuters.
اقش سەناتورلارىنىڭ باستاماسى تۋرالى حابارلاردان كەيٸن مەسكەۋ بيرجاسىندا رۋبلدٸڭ دوللار مەن ەۋروعا شاققانداعى باعامى ارزانداعان.
12 اقپاندا باق ەۋروپا وداعى مەن اقش رەسەيگە قارسى جاڭا سانكتسييالار ەزٸرلەپ جاتقانى, شەكتەۋ شاراسى رەسەيدٸڭ ٶتكەن جىلى قاراشادا قىرىم جاعالاۋى ماڭىندا "شەكارادان زاڭسىز ٶتكەن" دەگەن سىلتاۋمەن ۋكراينانىڭ ەسكەري كەمەلەرٸ مەن 24 تەڭٸزشٸسٸن ۇستاپ العانىنا بايلانىستى ەنگٸزٸلەتٸنٸ تۋرالى حابارلاعان.
رەسمي كيەۆ رەسەيدٸڭ ٸس-ەرەكەتٸن اگرەسسييالىق اكتٸ دەپ باعالادى جەنە ٶز تەڭٸزشٸلەرٸن ەسكەري تۇتقىندار دەپ اتايدى. رەسەي بيلٸگٸ ۋكراين تەڭٸزشٸلەرٸ قاساقانا ارانداتۋعا باردى دەپ مەلٸمدەگەن. مەسكەۋدٸڭ پٸكٸرٸنشە, رەسەي مەن ۋكراينا بٸر-بٸرٸمەن سوعىسىپ جاتپاعاندىقتان تەڭٸزشٸلەردٸ ەسكەري تۇتقىن دەۋگە كەلمەيدٸ.
